I-Korote 1:25 - Te B'aib'ara

²⁵ are I riki iai b'a te tia m'akuri n ai aron te nakoa are I anganaki mairoun te Atua i bukimi, b'a N na kabanea ana taeka te Atua n taekin,

I-Korote 1:25 ပူးပေါင်းရင်းမြစ်များ

1.I-Korinto 3:5

B'a tera aron Aboro? Ao tera aroni B'auro? Bon taan i buobuoki ngaira, aika kam riki n onimaki i roura; ao ti karaoa ara m'akuri ni kaeti ma tib'angara are E anganira te UEA.

1.I-Korinto 9:17

B'a ngkana I karaoa aei i bukin ae I boni kani karaoia, ao e na reke iai boon au m'akuri; ma ngkana I karaoia i bukina b'a tiaki oin nanou, ao I karaoia b'a bon au m'akuri ae I anganaki b'a N na karaoia.

I-Ebeto 3:2

tao kam a bon tia n ongo b'a E a tia te Atua n ana akoi n anganai te nakoa aei i bukimi;

I-Ebeto 3:7

are I riki b'a te tia m'akuri ngkai iai, n ai aron te b'ai n tituaraoi are ana akoi te Atua, are I anganaki ni m'am'akurini m'aakana.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

1.I-Tetaronike 3:2

ao ti kanakoa Timoteo, ae tarira, ae raora ni m'akuri i bukin te Atua, n tataekinan euangkerioni Kristo, b'a e na kateimatoaingkami ma ni kaungaingkami n ami onimaki;

1.Timoteo 4:6

Ngkana ko anga taeka n reirei aikai nakoia taari, ao ko riki iai b'a a na tia m'akuri ae e raoiroi Kristo Iesu, ae ko nabeaki n taekan te onimaki ma taekan reirei aika raraoi, aika ko tou mwiia.