I-Korote 1:17 - Te B'aib'ara

¹⁷ Iai Ngaia i m'aini b'aai ni kabane, ao a nako raoi aroni b'aai ni kabane n reitaki i Rouna.

I-Korote 1:17 ပူးပေါင်းရင်းမြစ်များ

Taian Areru 75:3

A ngae n ruru maan aika maiu, ao e m'aeiei aonnaba, Ma N na boni kawakini bouana b'a a na nene ni matoatoa.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Ioane 17:5

ao ngkai, Tamau, Ko na kamimitongai ike Ko mena iai, n te mimitong are mimitongiu ma Ngkoe, ngke e tuai ni karikaki aonnaba.

Ioane 8:58

E taku Iesu nakoia, “Bon te koaua ni koaua ae I a tuangngkami, b'a bon iai Ngai ma ngkoa i m'ain Aberaam.”

M'akuri 17:28

b'a boni Ngaia ae ti maiu i rouna, ti kakam'akuri i rouna, ao iai ngaira i rouna; n ai aron are a kaangai ami tia oto-kuna tabem'aang, “B'a ti riki naba mai Rouna.”

1.I-Korinto 8:6

ma bon ti temanna te Atua i roura, ae te Tama, ae a bane n riki b'aai i Rouna, ao ti maiu i bukina; ao ti temanna te UEA b'a Iesu Kristo, are a bane ni karikaki b'aai i Rouna, ao ti maiu i Rouna.

I-Korote 1:15

Kristo boni katotongan te Atua ae aki nonoraki, ao bon te moa n Nati ae kakannato i aoni b'aai ni kabane aika karikaki.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 2:8

“Ao ko na koroboki nakon ana anera te ekaretia are i Temurena ni kaangai: “Aio ana taeka Teuare bon te Moa ao te Toki, are E a tia ni mate, ao E a manga uti:

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.