I-Korote 1:15 - Te B'aib'ara

¹⁵ Kristo boni katotongan te Atua ae aki nonoraki, ao bon te moa n Nati ae kakannato i aoni b'aai ni kabane aika karikaki.

I-Korote 1:15 ပူးပေါင်းရင်းမြစ်များ

Taian Areru 89:27

N na karikia b'a natiu ae te karimoa, ae te kabanea ni kakannato i buakoia uea.

Te Otinako 24:10

ao a noora Atuan Iteraera b'a a mena i aani waena te b'ai ae kaanga taraan te tabo ae kamatoaaki ae karaoaki n te tabeiro ao e raneanea kaanga karawa.

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

Ioane 1:1

Ngke a tuai ni karikaki b'aai, ao bon iai te Taeka; ao E memena iroun te Atua, ao bon te Atua te Taeka.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 15:24

Ngke tao I aki karaoi i buakoia b'aai aika aki kakaraoaki ma rimoa iroun te aomata, ao a na bon akea i rouia namakinani mwin aia bure; ma ngkai, a tia n norai ma Tamau ao a ribaira.

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

I-Rom 8:29

B'a te koraki ake E a kaman rineia ngkoa, E a kamani baireia naba b'a a na riki ni katotonga Natina, b'a E aonga n riki b'a te karimoa i buakoia taari aika bati.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

I-Biribi 2:6

B'a arona aron te Atua, Ma akea i nanona te kan riki ni boraoi ma te Atua.

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 1:6

Ma ngke E nang kanakoa ana moa n Nati te Atua nako aon te aba, ao E kangai, “Ao a bane ana anera te Atua n taromauria.”

Ebera 11:27

I bukin ana onimaki Moote, ao e kitana Aikubita n aki maka unin te uea. E kanene n arona aei b'a kanga ai aron ae e nora te Atua ae aki nonoraki.

Te Kaotioti 3:14

“Ao ko na koroboki nakon ana anera te ekaretia are i Raorikeia ni kaangai: “E kaangai te Amen are te Tia Kaotioti are kakaonimaki are koaua, are a moa mai Rouna baika karikaki iroun te Atua: