I-Korote 1:12 - Te B'aib'ara

¹² ao b'a kam na katituaraoa te Tama, are karaoingkami b'a kam na tau ni karekea tib'angami n te baere E a tia ni kawakinna te Atua b'a aia b'ai ana aomata aika itiaki ake n te oota.

I-Korote 1:12 ပူးပေါင်းရင်းမြစ်များ

1.Uea 6:7

E aki tangiria Toromon ni kan ongo rebwerebwen taian aama ma taian tanai n te tabo are e kateaki iai te Tembora. Ma ngaia are, e tuangiia taani koro atiibu b'a a na koroi aia atiibu n te tabo teuana are e ananaaki iai te atiibu.

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

Taian Areru 116:7

E tararuai ma te nano n akoi, n te aro are n aki manga raraoma.

Taian Areru 36:9

Mai Roum koburaken te maiu; ao ti nora te oota i bukin ootam.

Taian Areru 79:13

Ao ngaira, aika am Aomata, aika am Nanai n tiibu, ti na neboiko n taai nako, Ao ti na tataekina kamoamoaam nakon te rorona ma te rorona.

Taian Areru 97:11

E oota raoiroin te Atua b'a kanga ootan te taura i aoia ana Aomata aika raoiroi; Ao e karika te kim'areirei nakoia.

Taeka n Rabakau 16:1

Ti kawenei ara babaaire ngaira aika aomata, ma e mena iroun te UEA te kabanea n taeka.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Taniera 2:23

I neboiko ao I karineko, Ngkoe ae Atuaia au bakatibu. Ko a tia n anganai te rabakau ma te korakora; Ko a tia ni kaekaa au tataro, ao n tuangai nanoni miin te uea.”

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 20:17

E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

Ioane 4:23

Ma e a tabe n roko te aoa, ao ngaia e a kaman roko, are a na angan te Tama taan taromauri ni koaua taromauriana ni m'akan te Tamnei are Tabu, ao taromauriana n aron are E tangiria: b'a aikai aekan aomata aika E tangiriia te Tama.

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

I-Rom 11:17

Ngkami aika tiaki I-Iutaia, ti te bo ngkami ma m'aangan te kai ae te oriwa are riki n aki akaaka, aika m'aangana ake a katomaaki ni kamaiuaki ma m'aangan te oriwa are unikaki raoi, aika m'aangana ake a tia n oteaki. Kam a tia n onei mwini m'aanga tabeua ake a tia ni koreaki mai iai; ao i bukin aromi aei, ao kam a b'aina te kab'aia are e reke man rikimi b'a m'aangan te kai are unikaki raoi.

I-Rom 15:27

Boni ngaiia aika kukurei ni karaoa aei. Ma a bon riai ni buokiia ake a aki kaub'ai: b'a ngkai a buokanib'ai I-Iutaia ma aomata aika tiaki I-Iutaia ni baika raraoi mairoun te Atua i bukin tamneia, ao bon te b'ai ae riai irouia Kristian aika tiaki I-Iutaia b'a a na buokiia Kristian aika I-Iutaia, n anganiia baika a kainanoi i bukini maiuia.

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

I-Rom 9:23

E kaota aron neboakina ngke E nanoangaiia aomata ake E a tia n rineia b'a a na reke naba tib'angaia n neboakina.

1.I-Korinto 8:6

ma bon ti temanna te Atua i roura, ae te Tama, ae a bane n riki b'aai i Rouna, ao ti maiu i bukina; ao ti temanna te UEA b'a Iesu Kristo, are a bane ni karikaki b'aai i Rouna, ao ti maiu i Rouna.

1.I-Korinto 9:23

I bane ni karaoi baikai i bukin te euangkerio, b'a e aonga n reke i rou tib'angau mani kab'aia ake iai.

2.I-Korinto 11:14

Akea te bae e kamimii iai, b'a aio naba aron Tatan: e kona n onikia b'a aongkoa te anera ae raneanea taraana.

2.I-Korinto 5:5

Ao Teuare katauraoira nakon te oneaki aei bon te Atua, are anganira te Tamnei b'a kakoauan te oneaki aei b'a e na bon riki.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

I-Ebeto 3:6

te kaantaninga n te baere raba aei: b'a a na raoniia Iteraera ni b'aib'ai aomata aika tiaki I-Iutaia, ma n riki b'a te rab'ata ae ti teuana ma ngaiia, ao b'a a na reke tib'angaia n te taeka n akoi ngkai a reitaki ma Kristo Iesu n te euangkerio;

I-Ebeto 4:6

ti temanna te Atua are Tamaia aomata ni kabaneia, are E uea i aoia ni kabaneia, ma ni m'am'akuri ri nanoia, ao E maeka i nanoia ni kabaneia.

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

I-Ebeto 5:20

ao kam na aki toki ni katituaraoa te Atua are te Tama n aran ara UEA are Iesu Kristo, i bukini b'aai ni kabane;

I-Ebeto 5:4

ao e aki riai b'a kam na atongi taeka aika aki tau aika taeka aika kam'araa, ma taeka ni winikam'arane aika aki riai; ma kam riai n taetae ni kaitau.

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;

I-Korote 2:2

I karaoa aei b'a a aonga ni kauungaki nanoia, n aroia n reitaki n te tangira, ao b'a a aonga n aki nanokokoraki teutana n te atatai, are e na ataaki raoi iai te baere raba, are Kristo, are mairoun te Atua,

I-Korote 3:15

Ao te raoi are mairouni Kristo e na kairi nanomi; b'a ngaia are kam weteaki nako iai, b'a kam na riki b'a te rab'ata ae ti teuana. Ao kam na katituaraoi.

I-Korote 3:17

Ao b'aai ni kabane akana kam karaoi ke kam taekin a riai ni bane ni karaoaki n aran te UEA are Iesu, ao kam na katituaraoa te Atua ae te Tama i bukini Kristo.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 12:23

ma aia botaki taan onimaki ake naati ake kanga ai aroia moan nati, aika a koreaki araia i karawa; ao kam kaania naba te Atua ae te tia motiki taekaia aomata ni kabaneia, ao kam kaaniia naba tamneia aomata ake a b'ab'aina te eti, ake a tia ni karaoaki b'a a na kororaoi aroia n reitaki ma nanon te Atua.

Ebera 3:1

Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.

Ebera 3:14

B'a ti riki b'a raao ngaira ma Kristo ngkana ti taua ni kamatoa ni karokoa te toki te aki nanokokoraki are reke i roura ngke ti moa n onimaki.

Iakobo 3:9

Ti kabongana i bukini katituaraoan te Uea ae Tamara, ao i bukin naba karereantiaia aomata aika karaoaki b'a katotongan te Atua.

1.Betero 5:1

Ma ngaia ae I kani kaungaia unimm'aane akana mena i buakomi, ngai ae bon te unimm'aane naba, ao te tia nora Kristo n arona ni maraki, ao te tia buokanib'ai n te neboaki are nang kaotaki:

1.Ioane 1:3

are ti a tia n noria ma n ongo, ao ti taekinna naba nako imi; b'a kam aonga n uaia ni buokanib'ai iai ma ngaira, n ai aron are ti buokanib'ai iai ngaira ma te Tama ao Natina are Iesu Kristo.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.