I-Korote 1:10 - Te B'aib'ara

¹⁰ b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

I-Korote 1:10 ပူးပေါင်းရင်းမြစ်များ

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Mika 4:5

A taromauri oin atuaia botannaomata n tatabeua nako, ma ti na taromauriia te UEA ae Atuara ma n ongotaeka i rouna n aki toki.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 15:8

E neboaki Tamau n ami kariki uaa aika bati, ao n rikimi b'a au reirei.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

I-Rom 1:13

Ma I tangiringkami, tariu, b'a kam na ataia b'a e m'aiti au tai ae I a tia ni baireia b'a N na nakoimi iai, ma iai te b'ai ae aki toki n tototokoa m'anangau ni karokoa naba te tai aei. I kan rairiia naba tem'angina i buakomi nakon te UEA, n ai aroia ake a tia n rairaki i rou i buakoia botannaomata ake tiaki I-Iutaia.

I-Rom 4:12

Bon tamaia aomata nako aika a tia ni korotabonim'aneaki, tiaki ti i bukin ae a korotabonim'aneaki, ma i bukin naba aia onimaki b'a ti te bo ma ana onimaki Aberaam are tamaia ngke e tuai ni korotabonim'aneaki.

I-Rom 6:4

Ma ngaia ae ti taunaki ma Ngaia ni b'abetitoakira nako nanon te mate; b'a aron Iesu ngke E a manga kamaiuaki mai buakoia maate ni m'aakan te Tama, ao ngaira naba ti na nakonako i nanon te maiu ae boou.

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

2.I-Korinto 5:9

Ma ngaia aei, b'a ti mena ni mwengara aei ke ti kitanna, ma nanora bon ti te kani kakukureia te Atua.

2.I-Korinto 9:8

Ao E kona te Atua ni kabati b'aai n akoi ni kabane nako imi, b'a e aonga n reke i roumi n tai nako te toronib'ai ni b'aai ni kabane, b'a kam aonga ni kabati m'akuri nako aika raraoi;

I-Ebeto 1:17

b'a te Tama ae mimitong, are Atuan ara UEA are Iesu Kristo, E na anganingkami te Tamnei are E na kawanawanaingkami, ma ni kaota te Atua nakoimi b'a kam aonga n ataia;

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Ebeto 4:13

ao n tokina b'a ti na bane n roko n te onimaki ae ti teuana ao n ataakin Natin te Atua; ti na riki b'a kanga te aomata ae e a ikawai, n ai aroni Kristo; ao ti na riki n ai arona ni koaua:

I-Ebeto 5:10

ao kataa te kakukureia te Atua.

I-Ebeto 5:15

Ma ngaia ae kam na taratarai aromi ni maiumi: kam na aki maiu n ai aroia akana aki ataib'ai, ma kam na maiu n ai aroia akana ataib'ai.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

I-Korote 2:19

ao e a tia n aki nim ma Kristo, are atun te rab'ata ae b'anin, are Ngaia ae anga te korakora nakon te rab'ata, ao E kamanenai toma n ri ma iaia b'a b'ain tauani b'ain te rab'ata.

I-Korote 2:6

Ma ngaia aei, ngkai kam a tia ni butim'aea Kristo Iesu are te UEA, ao kam na maiu n reitaki ma Ngaia.

I-Korote 3:20

Ataei, kam na ongeaba nakoia ami karo ni b'aai ni kabane, b'a anne te bae E kakukureiaki iai te UEA.

I-Korote 4:5

Kam na nakonako ma te wanawana i mataia akana tuai n onimaki, ni kamanenai raoi ami tai.

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

1.I-Tetaronike 4:1

Te kabanea ngkanne: taari, ti butingkami ma ni kaungaingkami iroun te Uea are Iesu, b'a ngkai kam a tia n reirei mai roura aromi ni maiu ae riai ae kakukureia te Atua, n aron ae kam b'ainna ngkai ni maiumi, ao kam na kabatia riki karaoana ni maiumi.

2.Timoteo 2:4

Akea te tautia ae katabeianga ni m'akuri riki tabeua ngkai e tabe ma ana m'akuri n tautia, b'a e aonga ni kakukureia ana mataniwi are korea arana b'a e na tautia.

Tito 3:1

Ko na kauringiia am aomata b'a a na aantaeka irouia uea ma taan tautaeka, ao a na ongeaba ma n tauraoi nakoni karaoani m'akuri aika raraoi ni kabane;

Tito 3:14

A reireiaki ara aomata b'a a na kakaraoi m'akuri aika raraoi, b'a a aonga ni buoki kainnano aika riai, ao n te aro aei a bongana iai aia tai.

Ebera 11:5

I bukin ana onimaki Enoka, ao e uotaki rake ngke e maiu b'a e na aki bo ma te mate; ao e aki manga noraki b'a E uotia rake te Atua. B'a i m'ain uotakina rake, ao iai kakoauaana b'a e kakukureia te Atua.

Ebera 13:16

Ao kam na tai m'aninga te kakaraoa ae raoiroi ma te i buokanib'ai; b'a aikai karea aika E kukurei iai te Atua.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

2.Betero 1:8

B'a ngkana a reke iroumi baikai, ni bati, ao kam na riki ni bongana ma n uaana n ataakin ara Uea are Iesu Kristo.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

1.Ioane 3:22

ao ane ti bubuti ao ti anganaki i Rouna, b'a kioina ngkai ti tau ana tua, ao ti karaoi baika kakukurei i matana.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

3.Ioane 1:6

ake a taekina ni kakoaua aron am tangira i matan te ekaretia. Ko karaoa ae e raoiroi ngkana ko bakaborauia n te aro ae riai i matan te Atua.