I-Karatia 6:7 - Te B'aib'ara

⁷ Kam na tai burebureaki; E aki konaaki ni m'am'anaki te Atua: b'a te bae e unikia te aomata, ao e na manga anaa naba uaana.

I-Karatia 6:7 ပူးပေါင်းရင်းမြစ်များ

Iobi 15:31

Ke e tai onimakina rietaatana, b'a e kaawa ni kam'anea i bon i rouna, b'a e na bon okiria te kangaanga ngkana e taku i nanona b'a e rietaata.

Iobi 4:8

N au namakin, ao uaake a unika atin te buakaka ana bon taia uaan te kangaanga,

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 11:18

E uotiko te buakaka n taabo nako te tei ni baba, ma e kaniwanganaki te raoiroi.

Taeka n Rabakau 6:14

A aki toki n iaiangoi baika a kam'araa ma ni buakaka, ao a karikirakei taian kiriwe.

Taeka n Rabakau 6:19

aomata aika a b'anga ni kewe n te kabowi ke a kaakariki taian kiriwe n te utu.

Ieremia 37:9

Ko na aki kananobabako n iangoia b'a a na manga oki nako naba kaain B'aburon n aroia are rimoa.

Etekiera 14:5

Tao a na bae n okirai ke ni katoka taromauriakiia bouannanti ngkana a ongo au rongorongo.

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

Otea 10:13

Ko a tia n unika te buakaka, ko taia te motibuaka, ao ko kana uaan am kewe. Ko onimakina oin korakoram ma korakoran am taanga ni buaka nako.

Otea 8:7

Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

Ob'aria 1:3

Ko rangi ni kamoamoa, kioina ngke ko nonoa atun am tautaeka n taian b'aa aika a matoatoa, ao ko maeka i taubukin maunga aika a ririeta. Ma e kam'aneko am kainikatonga anne ao ko taku i nanom, “Antai ae kona ni katikai rikaaki?

Ruka 16:25

Ma e taku Aberaam, “Natiu, ko na uringnga b'a ngkoe n am tai ni maiu ao a rereke nako im baika raraoi, ma Rataro e rereke i rouna baika buakaka; ma ngkai, e a reke i rouna raun nanona ikai, ao ngkoe ko kainano ni maraki.

Ruka 21:8

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.

1.I-Korinto 15:33

Kam na tai burebureaki. “Aaro n i raorao aika buakaka a uru aroaro aika riai.”

1.I-Korinto 3:18

E na tai burebureia te aomata i bon i rouna. Ngkana e taku temanna i nanona b'a e rabakau i buakomi n te maiu aei, ao ke e riki ni baba, b'a e aonga n rabakau.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

2.I-Korinto 9:6

Ao uringa aei: ane kamaaea n unika ae ti teuana, ao e na taia ae ti teutana; ao ane kamaaea n unika ae bati, ao e na taia ae bati.

I-Karatia 6:3

B'a ngkana e taku temanna n ana iango b'a e kakannato, ngke e bon aki, ao e burebureia.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

2.I-Tetaronike 2:3

E na tai burebureingkami temanna n te aro teuana: b'a e bon aki kona n roko te bong arei ngkana e tuai n roko moa te tai are a na ekaanako iai te Atua aomata aika bati, ao ngkana e tuai ni kaoti teuare buakaka, are kanan te mate.

Iakobo 1:22

Kam na aki m'am'anaingkami n iangoia b'a ti taan ongora ngkami n ana taeka te Atua; ma kam na riki b'a taan toua mwina.

Iakobo 1:26

Ngkana e taku temanna b'a e taua te Aro, ao e aki kona n taua tian ana taeka, ao e boni m'am'anaia i bon i rouna, ao akea nanon tauan te Aro i rouna.

1.Ioane 1:8

Ngkana ti taku b'a akea ara bure, ao ti burebureira, ao e aki mena te koaua i nanora.

1.Ioane 3:7

Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”