I-Karatia 6:6 - Te B'aib'ara

⁶ Ao ane reireiaki ana taeka te Atua e na buokanib'ai ni baika raraoi ma te tia reirei.

I-Karatia 6:6 ပူးပေါင်းရင်းမြစ်များ

Neemia 10:36

Ti na uouoti naba ara karimoa m'aane ao karimoa aine man ara nanai ni kao ao ara nanai n tiibu man n anga nakoia taian ibonga ake a m'akuri n te Tembora, i bukina b'a bon aei te b'ai ae e koreaki n ana Tua te Atua.

Warekaia Iteraera 18:31

E kona ni kanaki tib'ami n aki akaaka irouia kaain ami utu nako, b'a ai bon anne naba boomi ni m'akuri n te Um'antabunrianna.

Mataio 10:10

ao tai uoti neni kanami i bukini m'anangami, tai uoti uoua te kabaraki, tai ua kauniwae, ao tai ua oko; b'a e riai b'a e na anganaki te tia m'akuri baika e kainanoi i bukini maiuna.

Ruka 1:4

b'a ko aonga n atai koauani baike ko a tia n reireiaki iai.

I-Rom 15:27

Boni ngaiia aika kukurei ni karaoa aei. Ma a bon riai ni buokiia ake a aki kaub'ai: b'a ngkai a buokanib'ai I-Iutaia ma aomata aika tiaki I-Iutaia ni baika raraoi mairoun te Atua i bukin tamneia, ao bon te b'ai ae riai irouia Kristian aika tiaki I-Iutaia b'a a na buokiia Kristian aika I-Iutaia, n anganiia baika a kainanoi i bukini maiuia.

Te Tua-Kaua 12:19

Ma kam na ti aki kana raraan te man, katinakoa moa raraana i aon tano.

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.