I-Karatia 6:2 - Te B'aib'ara

² Kam na i buobuoki n uotami nako, ao kam na toua mwin ana tua Kristo iai.

I-Karatia 6:2 ပူးပေါင်းရင်းမြစ်များ

1.Rongorongo 19:12

Ao Ioaba e tuanga tarina ni kaangai, “Ngkana I a aki konaa ni kaaitaraia kaain Turia b'a a rangi ni m'aiti nakoira ao ko a manga roko ni buokiira. Ao ngkana a manga rangi ni korakora riki kaain Ammon nakoimi, ao ti na manga roko ni buokingkami.

Te Otinako 23:5

Ngkana arona b'a e rangi n rawaawata uotan te aati ao e a b'aka, kam riai ni karaoa ae ko konaa ni buokia, e aoria ngkana ana man te aomata temanna ae e aki taatangiringkami.

Itaia 58:6

N na tuangngkami nanon raoi taromaurian te UEA. Kanakoi tieiniia buure ake a kabaeaki n te aro ae e aki eti. Kainaomataia akana a kabuakakaki!

Mataio 8:17

B'a e na kakoroaki bukin are e atongaki iroun Itaia are te burabeti ngke e kangai, “E kamaiura mani mamarara ao e uoti nako aorakira.”

Ruka 11:46

Ao E taku Iesu: A na reke kaimi naba ngkami rooia! B'a kam kaaki i aoia aomata uota aika kamamate, ao ngkami, a aki bo naba teutana taboni baimi ma ngaai.

Ioane 13:34

I anganingkami te tua ae boou: kam na i tangitangiri; n ai arou ngke I tangiringkami, b'a kam aonga n i tangitangiri.

Ioane 15:12

Aio au tua: kam na i tangitangiri, n ai arou ngkai I tangiringkami.

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

1.I-Korinto 9:21

Ao ngkana I m'akuri i buakoia aomata ake aki tautaekanaki n te tua, ao I riki n ai aroia n aki tautaekanaki n te tua, b'a a aonga n riki b'a Kiritian; ma tiaki nanona b'a aongkoa akea ana tua te Atua i rou, b'a I boni mena i aan ana tua Kristo.

I-Karatia 6:5

B'a a na bon uoti oin uotaia aomata n tatabemaniia nako.

Te Tua-Kaua 1:12

Ma I a bon aki kona ni karaoi ami kangaanga ma ngurenguremi ni kabane n ti ngai.

1.I-Tetaronike 5:14

Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

Iakobo 1:25

Ma ane taratara te tua are moanibaan te raoiroi, are tuan te inaomata, n teimatoa iai, ngkai tiaki te aomata ngaia are e ongo ao i mwina e m'aninga, ma te aomata are karaoa nanon te baere e ongo, ao e na kakab'aiaki n are e na karaoia.

Iakobo 2:12

Kam na taetae ao kam na karaoi aromi n ai aroia aomata aika nangi motikaki taekaia n tuan te inaomata.

Iakobo 2:8

Ma kam karaoa ae e raoiroi ngkana kam toua mwin te tua are mairoun te Uea, are e koreaki ni kaangai, “Ko na tangira raom n ai aron tangiram i bon i roum.”

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

2.Betero 2:21

B'a e raoiroi riki i rouia ngke a aki ata te aro are E tangiria te Atua b'a a na maiu iai nakon ae a ataia, ao a rairaki nako man taekan te tua ae tabu are a anganaki.

2.Betero 3:2

b'a kam aonga n uringi taeka ake a taekinaki ngkoa i rouia burabeti ake ana aomata te Atua, ao b'a kam aonga n uringi naba ana tua te Uea are te Tia Kamaiu, are te tua are taekinaki nakoimi irouia taan tuatua.

1.Ioane 4:21

Ao aei te tua ae ti anganaki mai Rouna: b'a ane tangira te Atua, ao e na tangira naba tarina.