I-Karatia 6:16 - Te B'aib'ara

¹⁶ E na mena i aoia akana e reke i rouia te aro aei te rau ma te nanoangaki, ao i aoia naba ana Iteraera te Atua.

I-Karatia 6:16 ပူးပေါင်းရင်းမြစ်များ

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

Taian Areru 73:1

E koaua ae e raoiroi te Atua nakoia Iteraera, nakoia ake a itiaki nanoia.

Itaia 45:25

Bon te UEA Ngai, ae e na anga te tokanikai ao te karineaki nakoia Iteraera.”

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Ioane 1:47

Ngke E nora Natanaera Iesu b'a e nakoina, ao aikai ana taeka i bukina, “Noria, bon te Iteraera ni koaua ae b'ab'aina te eti!”

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

I-Rom 1:7

nakoia ake a mena i Rom ni kabaneia, ake a tangiraki iroun te Atua, ake a weteaki b'a ana aomata: ami b'ai te akoaki ma te rau mairoun te Atua are Tamara ma te UEA are Iesu Kristo.

I-Rom 4:12

Bon tamaia aomata nako aika a tia ni korotabonim'aneaki, tiaki ti i bukin ae a korotabonim'aneaki, ma i bukin naba aia onimaki b'a ti te bo ma ana onimaki Aberaam are tamaia ngke e tuai ni korotabonim'aneaki.

I-Karatia 1:3

Ami b'ai te akoaki ma te raoi mairoun te Atua ae Tamara ao te UEA are Iesu Kristo,

I-Karatia 3:29

Ngkana ana b'ai Kristo ngkami, ao boni kanoan Aberaam ngkami, ao kam na b'aib'ai n te taeka n akoi arei.

I-Karatia 5:16

Ma aio au taeka: Kam na kairaki iroun te Tamnei, ao ane kam na aki karaoa nanon te rab'ata ni kaib'ab'aru n aron are e tangiria.

I-Karatia 5:25

Ngkana te Tamnei ae ti maiu i rouna, ao boni Ngaia naba ae na kairi maiura.

I-Ebeto 6:23

E bia reke te rau, ma te tangira, ma te onimaki irouia taari mairoun te Atua are te Tama ma te UEA are Iesu Kristo.

I-Biribi 3:16

Ma ae ti a roko iai, ao ti na nakonako iai n te kawai naba anne.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

I-Biribi 4:7

Ao te rau are mairoun te Atua, are te rau are aki konaaki n ataaki teutana, e na kawakin nanomi ma aia iango nanomi ngkai kam reitaki ma Kristo Iesu.

1.Betero 1:3

E na karaoiroaki te Atua ae Taman ara Uea are Iesu Kristo, b'a man ana nanoanga ae bati ao ti a anganaki te maiu ae boou ma te kaantaninga ae nene ni manga-utin Iesu Kristo man te mate;

Iuta 1:2

a na kabatiaki nako imi te nanoanga, ma te raoi, ma te tangira.