I-Karatia 6:15 - Te B'aib'ara

¹⁵ B'a e aki kakawaki te korotabonim'aneaki ke te aki-korotabonim'aneaki, ma e kakawaki reken te maiu ae boou ni maiun te aomata.

I-Karatia 6:15 ပူးပေါင်းရင်းမြစ်များ

I-Rom 2:26

Ma ngaia aei, b'a ngkana e toua mwin ana taeka te Atua ane aki korotabonim'aneaki, ao tiaki e na atongaki iai ngkai e tuai ni korotabonim'aneaki b'a aongkoa e a tia ni korotabonim'aneaki?

I-Rom 2:28

B'a tiaki te I-Iutaia ni koaua te aomata n taraan aon rab'atana, ao tiaki naba te korotabonimm'aane ni koaua ae karaoaki i tinanikun te aomata ni kunna.

I-Rom 6:4

Ma ngaia ae ti taunaki ma Ngaia ni b'abetitoakira nako nanon te mate; b'a aron Iesu ngke E a manga kamaiuaki mai buakoia maate ni m'aakan te Tama, ao ngaira naba ti na nakonako i nanon te maiu ae boou.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

1.I-Korinto 7:19

Akea manen te kaitiakaki, ao akea naba manen te aki-kaitiakaki; ma bon iai maneni kawakinan ana tua te Atua.

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Ebeto 2:15

E kamaunaa te Tua are kanoana taeka i bukini baika riai ni karaoaki ao n aki karaoaki irouia aomata, b'a e aonga ni karikiia botannaomata aika uoua b'a kanga te aomata ae ti temanna ae boou n arona ni kaatiteuanaki ma Ngaia; ao n te aro aei e a reke iai te raoi.

I-Ebeto 4:24

ao kam na riki b'a te aomata ae boou, are karaoaki b'a katotongan te Atua, ao ni b'aina te maiu ae itiaki ni koaua.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

Iotua 5:5

ma a tuai korotabonim'aneaki ake a tib'a bungiaki i nanon te m'ananga are abwi te ririki. Imwin te tai anne a bane n tia ni mate m'aane ma ake a rorobuaka n tain te otinako mai Aikubita.

Te Kaotioti 21:5

Ao E kaangai Teuare tekateka i aon te kaintokanuea, “Noria, I a karaoi b'aai ni kabane b'a b'aai aika boou. Ao E kaangai naba, Ko na koroi baika I a tia n taekin; b'a a koaua taeka aikai ao a onimakinaki.”