I-Karatia 6:1 - Te B'aib'ara

¹ Taari, ngkana e bure te aomata temanna, ao ngkami akana kam kairaki iroun te Tamnei, kam na manga kaetia n te nano ae nimamanei; ma ko na tarataraiko, b'a ko kaawa ni manga kaririaki naba ngkoe.

I-Karatia 6:1 ပူးပေါင်းရင်းမြစ်များ

2.Tamuera 11:2

N te tanimaeao n taai teuana, E teirake Tawita ma ni matuuna ae e uarereke ao e nanakonako i aon taubukin ana bareti.

Taian Areru 141:5

E kona n oreai te aomata ae e raoiroi ma ni boaai i bukin nanona ni kan akoi, Ma I bon aki kona ni kariaia karineau mairouia akana buakaka, i bukina b'a I aki toki n tatataro b'a a na ekakinako aia m'akuri aika bubuaka.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Mataio 11:29

Amoa amou i aomi, ao reirei i Rou: b'a I nimamannei ao I nanorinano, ao e na reke i roumi karauan nanomi ni koaua.

Mataio 26:69

Ao e tekateka Betero i ao i nukan te auti, ike e aki bono aona; ao e roko i rouna te aine temanna ae te toro, ao e taku, “Ko memena naba ngkoe iroun Iesu are te I-Kariraia.”

Mataio 26:75

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

I-Rom 14:1

Kam na m'anea n akoa te aomata ae mamara n ana onimaki, ma tai kauntaeka ma ngaia i bukin tein aron ana iango.

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

I-Rom 8:6

B'a nanon te rab'ata bon te mate, ma nanon te Tamnei are Raoiroi bon te maiu ao te raoi.

1.I-Korinto 10:12

Ma ngaia aei, b'a ane taku n ana iango b'a e tei matoa, ao e na tarataraia b'a e kawa ni b'aka.

1.I-Korinto 14:37

Ngkana e taku temanna b'a te burabeti ngaia, ke e taku b'a iai i rouna te b'ai n tituaraoi are mairoun te Tamnei, ao ke e ataia b'a baika I koroi taekaia nako imi bon te tua mairoun te UEA;

1.I-Korinto 2:15

Ane E memena i rouna Tamnein te Atua, ao e kona neneri aroni b'aai nako b'a a bongana ke a aki; ma akea ae e kona n nenera arona;

1.I-Korinto 3:1

Ao ngai, taari, I aki kona n taetae nako imi ngke arona b'a aomata ngkami aika iai i roumi Tamnein te Atua, ma I taetae nako imi b'a aomata ngkami aika ana b'ai te aba, i bukina b'a ai aroia merimeri ngkami n aromi n onimakina Kristo.

1.I-Korinto 4:21

Tera ae kam tangiria n rokou i roumi? Kam tangirai b'a N na roko ma te b'ai ni kataere, ke te tangira ma te nano ae nimamanei?

1.I-Korinto 7:5

Akea ae na rawa i roumi ni wene n taanga, ma ti ngkana kam a tia ni boraraoi b'a kam na aki karaoia moa i nanon taina are kam baireia, b'a kam aonga ni kabongana ami tai anne n tatataro iai; ma i mwin anne ao kam bon riai ni manga okiri aromi n reitaki b'a taanga ngkami, b'a kam kawa ni kaririaki iroun Tatan ngkai kam babanga n taotaon nanomi.

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Korinto 2:7

ma ngaia ae kam bon riai ni kab'ara ana bure ma ni karaua nanona, b'a e kawa teuanne ni b'ara nanona n rawawatana ae bati.

2.I-Korinto 2:8

Ma ngaia ae I butingkami b'a kam na kaotia nako ina b'a bon iai tangirana i roumi.

I-Karatia 5:23

te nimamanei, te taotaonaki n nano mani karaoani baika e tangiri te rab'ata; akea te tua ae ekinako baikai.

I-Karatia 6:18

E na mena ana akoi ara UEA are Iesu Kristo irouia tamneimi, taari. Amen.

1.I-Tetaronike 4:1

Te kabanea ngkanne: taari, ti butingkami ma ni kaungaingkami iroun te Uea are Iesu, b'a ngkai kam a tia n reirei mai roura aromi ni maiu ae riai ae kakukureia te Atua, n aron ae kam b'ainna ngkai ni maiumi, ao kam na kabatia riki karaoana ni maiumi.

2.I-Tetaronike 3:15

Kam na aki iangoia b'a ami kairiribai, ma kam na reireiia n ai aron te tari.

2.Timoteo 2:25

e na nimamannei n reireiia akana a ekianako ao tao a na anganaki aia tai mairoun te Atua are a na biti nanoia iai b'a a aonga n ata te koaua;

Ebera 12:13

ao nakonako i aoni kawai aika eti, b'a e aonga n aki tiba nako toman riin te bubua ni wae are mamara, ma e na riki ni marurung iai.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Iakobo 3:13

Antai te aomata ae rabakau ae atatai i buakomi? E na kaotia ni maiuna ae e raoiroi ao n ana m'akuri aika raraoi aika e karaoi ma te nimamannei ao te rabakau.

Iakobo 3:2

B'a akea iroura ae aki kaairua; ao ngkana iai ae aki kaairua n ana taeka, ao bon te aomata ae kororaoi n arona, ae e kona ni bweena rab'atana ae b'anin.

1.Betero 3:15

Ma kam na tabua Kristo i nanomi b'a te Uea; ao kam na tauraoi n te bong ae koraki b'a kam aonga ni kona ni kaeka te aomata ae titirakiningkami bukin te kaantaninga ae mena i nanomi;

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.