I-Karatia 5:7 - Te B'aib'ara

⁷ Kam nako raoi ngkoa; antai ane tukingkami b'a kam na aki ira nanon te koaua?

I-Karatia 5:7 ပူးပေါင်းရင်းမြစ်များ

Mataio 13:21

ma akea wakaana i nanona, ao e aki tiku ni maan; ao ngkana e roko te kanganga ke te b'ainikirinaki i bukin ana taeka te Atua, ao e a b'aka naba.

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.

I-Rom 10:16

Ma a aki bane aomata n ira nanon te euangkerio. B'a e kaangai Itaia, “Te UEA, antai ae onimakina ara rongorongo?”

I-Rom 15:18

B'a N na ninikoria n taekina te baere E a tia ni karaoia Kristo i rou n au taeka ma au m'akuri i bukini kairaia aomata aika tiaki I-Iutaia, b'a a aonga n ongeaba nakon te Atua.

I-Rom 16:26

ma, ngkai, e a tia ni kaotaki, ao e a ataaki irouia botannaomata ni kabaneia ri nanon aia boki burabeti n ai aron are E tua te Atua b'a e na koreaki, b'a a aonga n onimakinna ma n ongeaba i rouna.

I-Rom 2:8

Ao nakoia ake a ukoukori ti oini kab'aiaia, ake a aki ira nanon te koaua, ma a ira nanon te buakaka, e na roko unin te Atua i aoia ao e na rawawata ana moti nakoia.

I-Rom 6:17

Ma E na katituaraoaki te Atua, b'a ngke ana toro te bure ngkami, ma kam a tia ni kaaki i nanomi taiani koaua n reirei ake kam a tia n anganaki;

1.I-Korinto 9:24

Kam aki ataia b'a mai buakoia aomata ni kabaneia ake a ira te kabo birim'aaka n te tabo ni biri, ao bon ti temanna ae na reke i rouna te kaniwanga? Kam na biri b'a e aonga n reke i roumi.

2.I-Korinto 10:5

ma aaro ni kainikatonga nako aika tutuki man ataakin te Atua; ao ti kataenikai naano ni kabane b'a a na ongo irouni Kristo;

I-Karatia 2:2

I nako b'a tuangau n te kaotioti are roko i rou; ao I tuangiia te euangkerio are I tataekinna i buakoia aomata aika tiaki I-Iutaia; ao I karaoa aei nakoia uake a atoatongaki b'a taani kairiri, ngke ti ngai ma ngaiia, b'a a kaawa ni matebuaka au m'akuri ake I a tia ni karaoi n taai aika nako, ao aika I karaoi ngkai.

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Karatia 5:10

Ngkai I uaia n reitaki ma ngkami i nanon te UEA, ao I aki nanokokoraki b'a kam na bon aki b'aina te iango ae kaokoro. Ma te aomata are aki karaungkami, b'a antai ngaia, e na karawaawataaki ni motikan taekana.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Ebera 11:8

I bukin ana onimaki Aberaam, ao e ongeaba ngke e weteaki iroun te Atua, ao e nako n te tabo are e na anganaki b'a abana; ao e m'ananga n aki ata ike e na nako iai.

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.