I-Karatia 5:4 - Te B'aib'ara

⁴ Kam a raure ma Kristo, ngkami aika kam taku b'a e reke reitakimi ma te Atua n te Tua; kam b'aka man te akoaki.

I-Karatia 5:4 ပူးပေါင်းရင်းမြစ်များ

I-Rom 11:6

ao ngkana tiaki i bukin ana akoi ae e riki iai aei, ma i bukin te b'ai are a karaoia ana aomata, ao nanona ngkanne b'a akea koauan ana akoi.

I-Rom 3:20

B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Karatia 2:21

I aki kakeaa bonganan ana akoi te Atua; b'a ngkana e kaetaki reitakin te aomata ma te Atua n te Tua, ao akea bonganani mateni Kristo.

I-Karatia 5:2

Noria, I taku nakoimi ngai ae B'auro, b'a ngkana kam korotabonim'aneaki, ao akea manenani Kristo iroumi.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 4:1

Ma ngaia aei, ngkai ti anganaki te taeka n akoi i bukin te rin i nanon ana motirawa te Atua, ao ti na taraia raoi b'a e kawa ni kuneaki temanna i buakomi b'a e aki tau n rin iai.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.