I-Karatia 5:16 - Te B'aib'ara

¹⁶ Ma aio au taeka: Kam na kairaki iroun te Tamnei, ao ane kam na aki karaoa nanon te rab'ata ni kaib'ab'aru n aron are e tangiria.

I-Karatia 5:16 ပူးပေါင်းရင်းမြစ်များ

Karikani B'aai 6:3

Ao i mwiin anne, ao E taku te Atua, “N na kauarerekea maiuia aomata, b'a bon rab'ata ngaiia. Ni moa man te tai aei, ao a nang aki manga raka ririkin maiuia i aon 120 te ririki.”

I-Rom 6:12

Ma ngaia ae tai kauea te bure i nanon rab'atami aika mamate, n ongo iroun aia kaib'ab'aru;

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

1.I-Korinto 7:29

Ae I nanonna, taari, b'a e a riki rake ni kimototo ngkai te tai, ma ngaia ae a riai mm'aanenum'a, ni moa ma ngkai, ni maiu n ai aron ae aongkoa akea buia;

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Karatia 3:17

Aei te bae I nanonna n au taeka: te Tua are roko abubua ma teningaun te ririki i mwin te boraraoi are kamatoaki iroun te Atua, e aki urua te boraraoi anne, ao e aki kamaunaa te taeka n akoi.

I-Karatia 6:8

B'a ane ira nanon rab'atana ao e na anaa mwina ae te mate man te rab'ata; ao ane ira nanon te Tamnei are Raoiroi, ao e na anaa mwina ae te maiu are aki toki mairoun te Tamnei are Raoiroi.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

I-Korote 2:11

N aromi naba n reitaki ma Ngaia ao kam a tia ni kaitiakaki, tiaki n te kaitiakaki are korean te iriko man te rab'ata ni bain te aomata, ma n ana kaitiaki Kristo;

1.Betero 1:14

Ngkai naati aika ongeaba ngkami, ao a na tai kairaki maiumi n iangoan nanomi aika bubuaka ake iai iroumi ngkoa ngke kam roo n nano;

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

1.Betero 4:6

B'a anne bukin ae taekinaki naba te euangkerio nakoia akana mate, b'a a aonga ni motiki taekaia n ai aroia aomata aika maiu n rab'ataia, ao b'a a aonga ni maiu ni maiuia n tamnei n ai aron te Atua.