I-Karatia 5:13 - Te B'aib'ara

¹³ B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

I-Karatia 5:13 ပူးပေါင်းရင်းမြစ်များ

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

M'akuri 20:35

I a tia ni kaotia nakoimi n aaro nako b'a ti riai ni buokiia aika mamara n te aro aei, ae te bekutata, n aki m'aninga ana taeka te UEA are Iesu, are kaangai, “E kakab'aia riki te anga nakon te anganaki.”

1.I-Korinto 8:9

Ma kam na tarataraia b'a e na aki riki inaomatami aei b'a te b'ai ni kab'akab'aka nakoia akana mamara n te onimaki.

1.I-Korinto 9:19

B'a e ngae ngke I inaomata b'a akea ae I toro i rouna, ma I karikai b'a te toro ngai nakoia aomata ni kabaneia b'a N na kabatiaia konau.

2.I-Korinto 12:15

Ma moan te kukurei ngai b'a N na kabane au b'ai, ma n anga boni ngai, i bukini maiumi. E na karako tangirau i roumi i bukina ngkai I rangi n tangiringkami?

2.I-Korinto 2:8

Ma ngaia ae I butingkami b'a kam na kaotia nako ina b'a bon iai tangirana i roumi.

2.I-Korinto 3:17

Ao te UEA bon te Tamnei; ao ike E mena iai Tamnein te UEA, ao e mena iai te aro n inaomata.

2.I-Korinto 4:5

B'a ti aki taekinira, ma ti taekina Kristo Iesu b'a te UEA, ao ngaira b'a ami toro i bukin Iesu.

I-Karatia 2:4

E riki aei i bukiia taari ni kewe ake a karinaki ni karabaaki i buakora b'a a na taratarai aroni inaomatara are reke iroura n reitakira ma Kristo Iesu. A tangiria b'a a na tau-toronira,

I-Karatia 4:22

B'a e kaangai, b'a uoman natin Aberaam aika mm'aane, temanna natina ma te aine ae te toro, ao temanna ma te aine ae te inaomata.

I-Karatia 5:1

B'a E kainaomataira Kristo i bukin te aro n inaomata; ma ngaia ae kam na teimatoa, ao kam na tai manga bae i aan te amo n toronaki.

I-Karatia 5:14

B'a e kabaneaki te Tua n touaki mwina n ae kaangai, “Ko na tangira raom n ai aron tangiram i bon iroum.”

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Karatia 6:2

Kam na i buobuoki n uotami nako, ao kam na toua mwin ana tua Kristo iai.

I-Ebeto 5:21

ao kam na aan-taeka, temanna iroun temanna, b'a kaotani karineani Kristo iroumi.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.Betero 2:16

Kam na b'aina te maiu n inaomata; ma kam na tai b'aina inaomatami b'a aonami ngkana kam karaoa ae buakaka; ma kam na b'aina te maiu n toro ae maiuia aomata aika tooro iroun te Atua.

2.Betero 2:19

A tuangiia b'a a na inaomata, ma ngaiia bon ana toro te buakaka ae kamamate: b'a e toronaki te aomata iroun ane kataenikaiaki i rouna.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.