I-Karatia 4:9 - Te B'aib'ara

⁹ ma ngkai kam a ata te Atua, ke ngkai kam a ataaki iroun te Atua, ao kam kanga ni manga rairaki nakoni baike iai m'aakaia ake a mamara ma n akea bonganaia, ake kam kani manga moana aromi n toronaki iai?

I-Karatia 4:9 ပူးပေါင်းရင်းမြစ်များ

1.Uea 8:43

Ko na kakauongo mani mwengam i karawa ao kaekai aia tataro. Ane a na bane aomatan te aonnaba n taromauriiko n aroia am Aomata aika Iteraera, ao ane a na ataia b'a I karaoa te Tembora aei i bukin neboakim.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 9:10

A na onimakiniko akana a ataa aram, ao Ko aki kitaniia akana nakoim.

Te Otinako 33:17

Ma ngaia are, E taku te UEA nakoina, “N na karaoi b'aai n aron are kam a tia ni buubutiai iai, i bukina b'a bon raoraou ngkami ae I kukurei i roumi.”

Taeka n Rabakau 2:5

Ao ane ko na ataa iai nanon te b'ai ae e nanonaki ni karinean ao ataakin te UEA ae te Atua.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Ruka 5:38

Ma e riai te wain ae boou n atoaki nakoni nneni wain aika boou aika kuniia maan.

Ioane 10:14

Ngai te tia kawakin tiibu ae e raoiroi; ao I ataiia au tiibu, ao a atai au tiibu,

Ioane 10:27

A ongo b'anaau au tiibu, ao I kinaia, ao a irirai.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

I-Rom 8:29

B'a te koraki ake E a kaman rineia ngkoa, E a kamani baireia naba b'a a na riki ni katotonga Natina, b'a E aonga n riki b'a te karimoa i buakoia taari aika bati.

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

1.I-Korinto 15:34

Kam na b'aina te iango raoi, ao tai bure; b'a iai tem'angina i buakomi aika aki ata te Atua; ao I taekina aei b'a kamamaaeami.

1.I-Korinto 8:3

ma ngkana e tangira te Atua te aomata, ao e bon ataaki i Rouna.

2.I-Korinto 11:20

B'a kam taon nanomi ngkana e toroningkami temanna, ngkana e kurib'aingkami temanna, ngkana e kam'aneingkami temanna, ngkana e kakeaa bonganami temanna, ao ngkana e oroubuingkami temanna.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

I-Karatia 3:3

E aera ngkai kam kona n nanobaba n aromi anne? Kam moana maiumi n onimaki iroun te Tamnei, ao ngkai kam nang kakororaoia n te aro n rab'ata?

I-Karatia 4:3

Ao ai arora naba, ngke ataei ngaira, ao ti toronaki ni baika iai m'aakaia n te aonnaba aei.

I-Ebeto 1:17

b'a te Tama ae mimitong, are Atuan ara UEA are Iesu Kristo, E na anganingkami te Tamnei are E na kawanawanaingkami, ma ni kaota te Atua nakoimi b'a kam aonga n ataia;

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 7:18

E kakiaki te tua are rimoa i bukini mamarana ma aki manenana.

2.Betero 2:20

B'a ngkana a a tia ni butaki nako mani kam'arani b'ain te maiu aei, n ataakin te Uea are te Tia Kamaiu are Iesu Kristo, ao ngkana a manga mangao i buakoia ma n tae aia kai iai, ao n tokiia a buakaka riki aroia nakon are rimoa.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.