I-Karatia 4:4 - Te B'aib'ara

⁴ Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,

I-Karatia 4:4 ပူးပေါင်းရင်းမြစ်များ

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Itaia 48:16

Kaaniko ao kakauongo! I tuai man karabai b'aai aika I a tia n taekin, ao I a kaman mena ikai i m'aain waakin te tai. E a tia ni kanakoai te UEA ae te Atua ni m'aakan te Tamnei are Raoiroi.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Ieremia 31:22

Tera ngke kam teimatoa ni kakaonimaki? N na bon kakoauaa b'a n te tai teuana ao a na manga kaokoro b'aai nako, kaanga kaokoron te aine ae e kaawakina te mm'aane.

Tekaria 6:12

Tuangnga au taeka ae e kaangai, “Iai temanna ae na nako mai ikai kaanga te m'aanga ao e na katea te Tembora i buku. N na aranna b'a ‘M'aanga’, ao e na tautaeka ma te karineaki.

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Warekaia Iteraera 28:22

Ao anga naba te kooti b'a te karea i bukin aia bure aomata.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 3:15

Ao Iesu E kaeka ni kangai, “Kariaia ngkai: b'a te b'ai ae riai i roura b'a ti na karaoi b'aai ni kabane ake E tangiri te Atua.” Ao e kariaia Ioane.

Mataio 5:17

Tai taku i nanomi b'a I roko b'a N na urui tuua ake e anga Moote, ma aia taeka n reirei burabeti. I aki roko b'a N na urui, ma I roko b'a N na kakoroi bukiia.

Mareko 1:15

Ao E taku, “E a koro raoi te tai, ao e a kaan Uean te Atua! Rairi nanomi ao onimakina te euangkerio!”

Ruka 1:31

Ao noria, ane ko na bikoukou ao ane ko na bungiia te nati te mm'aane, ao ko na aranna b'a Iesu.

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ruka 2:7

E bungiia ana moa n nati te mm'aane ao e niria n te kunnikai ae te ninira, ao e kawenea ni nneni kanaia maan n am'arake b'a akea aia ruu n te auti n iruwa.

Ruka 20:44

E atongaki iroun Tawita b'a te Uea; ao E na kanga n riki b'a Natina?”

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Ioane 8:42

E taku Iesu nakoia, “Ngke arona b'a te Atua Tamami, ao kam na tangirai, b'a I nako mairoun te Atua. I aki nako mai n oin nanou, ma E kanakomaiai.

M'akuri 1:7

E taku Iesu nakoia, “Tiaki ami b'ai te atai taian tai nako ma boong ake E bairei te Tama ni m'aakana.

I-Rom 1:3

bon taekan Natina, are Iesu Kristo, are bungiaki n te aro n rab'ata b'a kanoan ana kariki Tawita;

I-Rom 15:8

I tuangngkami b'a E roko Kristo b'a te tia buokiia I-Iutaia, ni kaotia nakoia b'a E a tia ni kakaonimaki te Atua ni kakoroa bukin ana taeka n akoi ake E taekin nakoia aia bakatibu ake a kakannato;

I-Rom 5:6

B'a ngke ai bon akea te bae ti konaa, ao E mate Kristo n taina are baireaki i bukira ao i bukiia naba akana buakaka.

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

I-Rom 9:5

ao a riki mairouia bakatibu; ao Kristo, ngkai bon te aomata Ngaia, boni kaain aia botannaomata. Ao te Atua are tautaeka i aoni b'aai ni kabane, ana b'ai te neboaki n aki toki. Amen.

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.

I-Korote 2:14

ao E kamaunai taekan ara tarau ake a tei i aan arara ma tuaia ake ti kabaeaki iai, ao E kariki n akea nanoia ngke E bobiti ni kanim n te kaibangaki;

1.Timoteo 2:6

are anga Ngaia i bukini kainaomataiia aomata ni kabaneia. E a kaotia n arona anne b'a te b'ai ni kakoaua n taina ae riai i bukin nanon te Atua n tangiriia aomata ni kabaneia b'a a na kamaiuaki;

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

Ebera 9:10

ngkai baikai, a tabe ma taekan ti taian am'arake ma ninima ma taian teboka nako, aika tuua i bukin te rab'ata aika a na karaoaki ni karokoa te bong are a na oneaki iai nakon aika a raraoi riki.

1.Ioane 4:14

Ti a tia n noria, ao ti tataekinna naba b'a E a tia te Tama ni kanakomaia te Nati b'a te Tia Kamaiuia kaain aonnaba.

1.Ioane 4:2

Kam kona n ata te aomata b'a iai i rouna Tamnein te Atua n te aro aei: tamnei n tatabemaniia nako aika a kaotiia n aia onimaki b'a E roko Iesu Kristo b'a te aomata Ngaia, ao boni mairoun te Atua;