I-Karatia 3:5 - Te B'aib'ara

⁵ Ma ngaia aei, b'a Teuare anganingkami te Tamnei, ma ni karaoi naba m'akuri aika m'aaka i buakomi, E karaoi i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Karatia 3:5 ပူးပေါင်းရင်းမြစ်များ

M'akuri 14:3

Ma ngaia are, a kamaniia B'auro ma B'arenaba ni maeka i Ikonio, n tataekina taekan te UEA ma te ninikoria. Ngke a karaoa aei, ao a anganaki iroun te UEA te kona ni karaoi kanikina ma m'akuri ni kamimii b'a ana b'ai ni kakoaua i bukin aia taeka are a taekinna i bukin ana akoi b'a e koaua.

I-Rom 10:17

Ma ngaia ae e reke te onimaki man te ongora n te rongorongo, ao te ongora n te rongorongo e reke man tataekinani Kristo.

I-Rom 15:19

Ao N na bon ninikoria naba n taekina aroni Kristo ni karaoani kanikina ma m'akuri aika kamimii ni m'aakan te Tamnei are Raoiroi. Ma ngaia are, ni m'anangau nakon taabo nako ake I a tia n roko iai, mai Ierutarem ni karokoa aonon Iruriko, ao I a tia n tataekina euangkerioni Kristo.

1.I-Korinto 12:10

ao e anganaki temanna karaoani m'akuri aika kamimii. Ao tabeman b'a burabeti, ao tabeman te kona ni kinaa Tamnein te Atua ngkana e kaoti. Ao tabeman te kona n taetae n taetae aika aki ataaki nanoia, ao tabeman te kona ni kab'arab'arai nanoia.

2.I-Korinto 10:4

b'a ara b'ai ni buaka aika ti kamanenai n te buaka bon tiaki b'ain aon te aba, ma b'ai ni buaka aika korakora iroun te Atua n uru taabo ni buaka aika matoatoa. Ti uru taeka ni baka n rabakau,

2.I-Korinto 12:12

A a tia ni karaoaki i buakomi n te aro n taotaonaki n nano ni kabanea taiani kanikina, ma baika kamimii, ma m'akuri aika m'aka, aika e na kinaki iai te tia tuatua.

2.I-Korinto 13:3

ngkai kam ukoukora te b'ai ae na kakoauaki iai b'a E taetae Kristo i rou. E aki mamara Kristo nako imi, ma E m'aaka i buakomi.

2.I-Korinto 3:8

ao tiaki e na kabatiaki riki mimitongin ana m'akuri te Tamnei?

2.I-Korinto 9:10

Ao Teuare angan te tia ununiki te koraa ma te am'arake b'a kanana, E na anganingkami te koraa ni kam'aitia b'a kam na unikia, ao E na kabati uaan ami tituaraoi.

I-Karatia 3:2

Ti aei te bae I kan ataia mai roumi, Kam anganaki te Tamnei i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Biribi 1:19

B'a I ataia b'a man ami tataro ao n ana buobuoki Tamnein Iesu Kristo, ao e na riki aei nako iu ae N na boni kainaomataaki,