I-Karatia 3:29 - Te B'aib'ara

²⁹ Ngkana ana b'ai Kristo ngkami, ao boni kanoan Aberaam ngkami, ao kam na b'aib'ai n te taeka n akoi arei.

I-Karatia 3:29 ပူးပေါင်းရင်းမြစ်များ

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

1.I-Korinto 15:23

Ma iai bairean temanna ma temanna ngkana e a manga kamaiuaki mai buakoia maate: b'a Kristo moa, ao rimwi te koraki ake a onimakinna ngkana E roko;

2.I-Korinto 10:7

Kam babaire man taraan aron teini b'aai. Ngkana e koaua i nanona te aomata b'a ana b'ai Kristo ngaia, ao ke e kauringnga b'a ngkai ana b'ai Kristo ngaia, ao ngaira bon ana b'ai naba Kristo.

I-Karatia 3:16

A atongaki taian taeka n akoi nakon Aberaam ao nakon ana kariki, ni kaotia b'a e aki nanonaki iai aomata aika bati, ma e kaangai, ao nakon am kariki, ni kaotia b'a ti temanna ae nanonaki iai, b'a Kristo.

I-Karatia 3:18

B'a ngkana e reke te kakab'aiaki n te Tua, ao nanona ngkanne b'a e aki reke n te taeka n akoi; ma te Atua E angan Aberaam i bukin ana taeka n akoi.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Karatia 3:7

Ma ngaia ae kam na ataiia aika onimaki, b'a bon natin Aberaam.

I-Karatia 4:1

Ma I kan taekinna naba b'a i nanon ana tai n ataei te nati are na b'aib'ai i mwin tamana, ao e aki kakaokoro ma te toro, e boni ngae ngke ngaia ae na b'aini b'aai ni kabane.

I-Karatia 4:7

Ma ngaia ae ko a aki manga riki b'a te toro ngkoe, ma ai te nati; ao ngkana te nati, ao te tia b'aib'ai naba iroun te Atua.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.

I-Karatia 6:16

E na mena i aoia akana e reke i rouia te aro aei te rau ma te nanoangaki, ao i aoia naba ana Iteraera te Atua.

I-Ebeto 3:6

te kaantaninga n te baere raba aei: b'a a na raoniia Iteraera ni b'aib'ai aomata aika tiaki I-Iutaia, ma n riki b'a te rab'ata ae ti teuana ma ngaiia, ao b'a a na reke tib'angaia n te taeka n akoi ngkai a reitaki ma Kristo Iesu n te euangkerio;

Tito 3:7

b'a a aonga n reke reitakira ma te Atua n ana akoi, ao e na reke b'a ara b'ai te maiu are aki toki are ti kaantaningaia.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 11:18

boni ngaia are e atongaki ae kangai nako ina, “A na atoatongaki am kariki nako i nanon Itaaka.”

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

Ebera 6:17

Ma ngaia aei, b'a te Atua ngke E kani kaota raoi nakoia taani b'aib'ai n te taeka n akoi b'a E aki kona ni bita nanona are iai, ao E kamatoa ana taeka n akoi n te taeka ni berita,

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

Te Kaotioti 21:7

Ane tokanikai ao e na b'aib'ai ni baikai; ao N na riki b'a Atuana, ao ngaia e na riki b'a natiu.