I-Karatia 3:17 - Te B'aib'ara

¹⁷ Aei te bae I nanonna n au taeka: te Tua are roko abubua ma teningaun te ririki i mwin te boraraoi are kamatoaki iroun te Atua, e aki urua te boraraoi anne, ao e aki kamaunaa te taeka n akoi.

I-Karatia 3:17 ပူးပေါင်းရင်းမြစ်များ

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 17:19

Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina.

Iobi 40:8

Ko kataia ni kakaea te koaua b'a I kakaraoa ae aki eti ko taekinai b'a I kaairua, ao ngkoe ko eti?

Taian Areru 105:9

Are ana boraraoi are E karaoia ma Aberaam, Ao ana taeka n akoi nakon Itaaka,

Taian Areru 33:10

E uru aia iango botannaomata te UEA ake a tia ni bairei b'a a na karaoi, Ao E tukiia b'a a na aki kakoroi bukiia.

Itaia 14:27

E a tia te UEA ae Moan te M'aaka ni baairei baikai. Akea ae e konaa ni katokai ngkai!

Itaia 28:18

Ane e na uruaki ami boraraoi ma te mate ao aia aonnaba maate. Ao i mwiina, ane e na rabuningkami naao aika a ngare ma ni b'aro.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Warekaia Iteraera 30:8

Ma ngkana e ongo buuna ao e totokoia, ao e na aki kakoroa bukina, ao e na bon kab'araaki naba ana bure iroun te UEA.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

M'akuri 7:6

Ao E taetae naba te Atua ni kaangai: b'a a na maeka n iruwa ana kariki Aberaam n te aba teuana ae tiaki abaia; ao a na toronaki ma ni b'ainikirinaki iai abubua te ririki.

I-Rom 3:25

are E anga b'a E aonga n riki, ni matena, b'a te kawai are a na kab'araki iai aia bure aomata nako, n onimakinana. E karaoa aei te Atua b'a E na kaota iai arona n reitaki ae e raoiroi ma aomata. N taai ake a b'akanako, ao E a tia n taotaona nanona n aki mutiakini buure;

I-Rom 3:3

B'a tera? Ngkana a aki kakaonimaki tabem'aang, ao e na uruaki ana kakaonimaki te Atua n aia aki-kakaonimaki?

1.I-Korinto 1:12

Ae I nanonna n au taeka aei bon aei: b'a kam kangai n tatabemaningkami nako, “Raoni B'auro ngai”; ke, “Raon “Aboro ngai”; ke, “Raoni Keeb'a ngai”; ke, “Raoni Kristo ngai.”

1.I-Korinto 1:17

B'a e aki kanakoai Kristo b'a N na b'ab'abetito, ma E kanakoai b'a N na tataekina te euangkerio-tiaki n te aro n rabakau n taetaenikawai, b'a e kawa n riki ana kaibangaki Kristo b'a te b'ai ae akea manenana.

1.I-Korinto 10:19

Tera ae I nanonna ngkanne n au taeka? I nanona iai kakawakini karean te bouannanti, ke kakawakin te bouannanti?

1.I-Korinto 7:29

Ae I nanonna, taari, b'a e a riki rake ni kimototo ngkai te tai, ma ngaia ae a riai mm'aanenum'a, ni moa ma ngkai, ni maiu n ai aron ae aongkoa akea buia;

2.I-Korinto 1:20

B'a boni Ngaia te “Eng” nakon ana taeka n akoi ni kabane te Atua; ao i Rouna naba te “Amen” are ti neboa iai te Atua.

2.I-Korinto 9:6

Ao uringa aei: ane kamaaea n unika ae ti teuana, ao e na taia ae ti teutana; ao ane kamaaea n unika ae bati, ao e na taia ae bati.

I-Karatia 3:15

Taari, N na taekina te b'ai ni kakairi man te bae e nonoraki irouia aomata: bon akea temanna ae kona n urua ke ni karakaa riki taekan aia boraraoi aomata aika uoman, ngkana a tia ni karaoia.

I-Karatia 3:21

E ekinakoaia nako ngkanne ana taeka n akoi te Atua te Tua? E bon aki; b'a ngke arona b'a e anganaki te aba te tua ae kona te kakamaiu, ao a kona ngkanne n reke reitakiia aomata ni kabaneia ma te Atua n iran nanon te tua anne.

I-Karatia 5:16

Ma aio au taeka: Kam na kairaki iroun te Tamnei, ao ane kam na aki karaoa nanon te rab'ata ni kaib'ab'aru n aron are e tangiria.

I-Karatia 5:4

Kam a raure ma Kristo, ngkami aika kam taku b'a e reke reitakimi ma te Atua n te Tua; kam b'aka man te akoaki.

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

I-Korote 2:4

I atonga aei b'a e kawa temanna ni m'am'anaingkami n taeka n anai nano.

Ebera 11:13

A bane ni mate i nanon te onimaki Aberaam, Itaaka ao Iakob'a ngke a tuai n reke i rouia baike a atongaki n taeka n akoi akekei; ma a nori mai kiraroa, ao a kukurei iai, ao a taku b'a bon I-anena ngaiia ao aomata aika maeka n iruwa i aon te aba.

Ebera 7:18

E kakiaki te tua are rimoa i bukini mamarana ma aki manenana.

1.Betero 1:20

E a kaman rineaki n ai aron nanon ma ana baire ma ngkoangkoa te Atua ngke a tuai ni karikaki b'aai, ma E a kaotaki ni boong aikai aika kabaneani boong i bukimi,