I-Karatia 3:14 - Te B'aib'ara

¹⁴ b'a e aonga n reke kakab'aian Aberaam irouia aomata aika tiaki I-Iutaia irouni Kristo Iesu, ao b'a e aonga n reke iroura n te onimaki te Tamnei are e atongaki n te taeka n akoi.

I-Karatia 3:14 ပူးပေါင်းရင်းမြစ်များ

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Itaia 32:15

Ngkae ti anganaki te Tamnei mai karawa ao a na riki b'a taian m'akoro n aba aika a on n taian aroka aika iai uaaia. aika a nimatenten aroka iai.

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Ieremia 32:40

N na karaoa te boraraoi ma ngaiia ae akea tokina, N na aki manga kerikaaki man karaoan ae e raoiroi nako ia; ao N na karina maakaku inanoia, b'a aonga n aki rairaki nako mairou.

Etekiera 11:19

Ao i mwiina, N na taekiinako taningabonomi ma ni karikingkami b'a kam na rangi ni kan kakaonimaki raoi. Ane kam na tangiria n ongotaeka i Rou

Etekiera 39:29

N na aki manga tannako mairouia Au aomata aika Iteraera, ao E na maeka Tamneiu i nanoia. Bon aei Au taeka Ngai ae te UEA.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Ruka 11:13

Ngkai kam ata te angania natimi, ngkami aika kam buakaka, baika raraoi, ao tiaki e m'aiti riki iroun Tamami are i karawa te kan anga te Tamnei are Raoiroi nakoia akana butiia!

Ruka 24:49

Ao noria, N na kanakoa nako aomi te baere E a tia ni kab'aka iai ana taeka Tamau b'a E na karaoia; ma kam na tiku i Ierutarem, ni karokoa anganakimi te m'aaka mai karawa.”

Ioane 7:39

E taekina aei Iesu b'a taekan te Tamnei are Tabu, are a na anganaki akana onimakinna: b'a e tuai anganaki te aba te Tamnei are Tabu, i bukina b'a E tuai ni bo ana tai Iesu n neboaki.

M'akuri 2:33

Ngkae E neboaki i angaatain te Atua, ao ngkae E anganaki iroun te Tama te taeka n akoi i bukin te Tamnei are Raoiroi, ao E a tia n nurakina te baei, ae kam noria ma n ongo.

M'akuri 4:12

Bon ti Iesu ae mena i rouna te kamaiu, ao akea riki; b'a bon akea te ara riki teuana i aani karawa ae a anganaki aomata, ae ti kona ni kamaiuaki iai.

M'akuri 5:32

Ao bon taan tataekini baikai ngaira, n ai aron naba te Tamnei are Raoiroi, are E a tia n anga te Atua nakoia ake a ira nanona.

1.I-Korinto 12:13

B'a ti bane ni b'abetitoaki nako nanon te rab'ata ae ti teuana iroun te Tamnei are Raoiroi ae ti temanna, ngaira aika I-Iutaia ma I-Erene, ma tooro ma inaomata; ao a bane n anganaki nanora te Tamnei are Raoiroi ae ti temanna.

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

I-Karatia 3:16

A atongaki taian taeka n akoi nakon Aberaam ao nakon ana kariki, ni kaotia b'a e aki nanonaki iai aomata aika bati, ma e kaangai, ao nakon am kariki, ni kaotia b'a ti temanna ae nanonaki iai, b'a Kristo.

I-Karatia 3:2

Ti aei te bae I kan ataia mai roumi, Kam anganaki te Tamnei i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

I-Ebeto 2:22

Ni katiteuanakimi ma Ngaia ao kam a kateaki naba ma raomi nako n onimaki b'a ana auti te Atua ae na mamaeka iai iroun Tamneina are Raoiroi.

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.