I-Karatia 3:13 - Te B'aib'ara

¹³ E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Karatia 3:13 ပူးပေါင်းရင်းမြစ်များ

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

2.Tamuera 18:10

ao temanna mai buakoia e nako n tuanga Ioaba ni kaangai, “I noora Abetarom n tinetine n te aroka!”

2.Tamuera 21:3

Ao e taku, “Tera ngkai te b'ai ae N na karaoia ni karaoa mwiin ana m'akuri Tauro, b'a kam aonga ni butiia te UEA b'a E na akoia riki ana aomata?”

2.Tamuera 21:9

ao e anga ngaiia nakoia kaain Kibeon, ake a anaiia ni kabaei roroaia i aon te maunga ni kaan ma te tabo are taromauriaki iai te Atua. E riki aei ni moan taian te b'aare.

2.Uea 22:19

I namakina rawawatam ngke ko warekia ae e na kamaunaaki te aba aei ma kaaina ni kabane. Ko bon raeuaaka naba kunnikaim i bukin rawawatan nanom, ao I ongo b'anaam ngke ko tang.”

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Etita 9:14

Ao e tua te uea b'a e na karaoaki aei, ao e kamatoaaki arei i Tutian. A anaaki rab'ataia natin Aaman ake tengaun ao a kamenaki i mataia aomata.

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Mataio 26:28

B'a aei raraau, ae raraan te boraraoi, ae kawawaeaki i bukiia aomata aika bati i bukini kab'aran aia bure.

Mataio 27:5

Ao Iuta e karenako m'aane ake tirewa ake tenibwi nako aontano i nanon te ruu are tabu n te um'antabu, ao e kitana ikekei; ao e nako ni kabaea roroana.

M'akuri 5:30

E kamaiua Iesu Atuaia ara bakatibu man te mate; boni Ngaia are kam tiringnga n tauria i aon te kaibangaki.

I-Rom 4:25

are E anga te Atua b'a E na tiringaki i bukin ara bure; ao E a manga kamaiua i bukira, b'a a aonga ni kaetaki arora n reitaki ma te Atua.

I-Rom 9:3

Ao e bia reke kaiu, ma ni karaureaki ma Kristo i bukiia tariu ake au bu n te katei n aomata;

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Karatia 3:10

B'a a nangi reke kaiia aomata aika bati aika karaoi baika tangiraki n te Tua; b'a e a tia ni koreaki ae kaangai, “E na reke kain te aomata ae aki teimatoa ni karaoi b'ai ni kabane ake a koreaki ni bokin te Tua!”

I-Karatia 4:5

b'a E aonga ni kainaomataia aika mena i aan te Tua, b'a ti aonga n riki b'a natin te Atua.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

Te Tua-Kaua 21:23

ma kam na aki katuka rab'atana ikanne ni karokoa te moaningabong. Kam na taunna naba n te bong anne, b'a rimwi ao e na kamaraia aon te aba ni kabane te UEA i bukin te rab'ata ae mate. E anganingkami te aba aei te UEA b'a abami, ma ngaia are, kam na aki kam'araea aon te aba ni katuka rab'atan te tia bure i aon te aroka.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 9:12

ao E rin n te tabo are moanibaan te tabu ti teuana te tai ao akea riki, ao E aki uoti raraaia kooti ma buniia kaao, ma E uota oin raraana ao E karekea kamaiuara ae aki totoki.

Ebera 9:15

I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

Ebera 9:26

B'a ngke aroni Kristo anne, ao e na bon okioki marakina ni moa mani karikan aonnaba. Ma ngkai, ngkai e nangi roko tokin te tai ao E a ti kaoti ti te teuana te tai ao akea riki, i bukina b'a E na kamaunaa te bure n arona n anga Ngaia b'a te karea.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Ioane 4:10

Aio te tangira, tiaki ngke ti tangira te Atua; ma E tangirira, ao E kanakomaia Natina b'a te kareanraoi i bukin ara bure.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,