I-Karatia 2:4 - Te B'aib'ara

⁴ E riki aei i bukiia taari ni kewe ake a karinaki ni karabaaki i buakora b'a a na taratarai aroni inaomatara are reke iroura n reitakira ma Kristo Iesu. A tangiria b'a a na tau-toronira,

I-Karatia 2:4 ပူးပေါင်းရင်းမြစ်များ

Taian Areru 119:45

N na maiu n inaomata, ngkai I kekeiaki n ongeaba nakon am Tua.

Taian Areru 51:12

Manga kaoka nako iu te kim'areirei are reke man am Kamaiu, Ao karaoa ae N na kan ongeaba iai nakoim!

Itaia 51:23

Ma I a anga nakoia am kairiribai nako, ake a karikiko b'a te baareka ma n toubekaiko.”

Ruka 5:38

Ma e riai te wain ae boou n atoaki nakoni nneni wain aika boou aika kuniia maan.

M'akuri 15:1

A roko aomata tabem'aang mai Iutaia nako Antioka, ao a reireiia taari, ni kaangai, “Kam aki konaaki ni kamaiuaki ngkana kam aki korotabonim'aneaki, n ai aron ana taeka Mote.”

M'akuri 15:24

Ngkai ti ongo b'a iai tabem'aang i buakoia ara koraki aika kakiriweingkami n aia taeka, ao a uru nanomi iai, aika te koraki aika akea ara taeka nakoia b'a a na karaoa ae aron anne.

M'akuri 20:30

ao ane a na kaoti aomata tem'angina mai buakomi ao a na atongi baika b'aoua, b'a a aonga ni katikiia ake a onimaki b'a raoia.

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

2.I-Korinto 11:13

B'a te koraki akanne bon taan tuatua ni kewe, aika taani m'am'ana te aba n aia m'akuri, ao a onikia b'a aongkoa ana taan tuatua Kristo.

2.I-Korinto 11:17

Te bae I atongnga ao I aki atongnga n ai aron nanon te UEA, ma I atongnga b'a kanga te taetae ni baba n te aro ni kamoamoa aei.

2.I-Korinto 11:20

B'a kam taon nanomi ngkana e toroningkami temanna, ngkana e kurib'aingkami temanna, ngkana e kam'aneingkami temanna, ngkana e kakeaa bonganami temanna, ao ngkana e oroubuingkami temanna.

2.I-Korinto 11:26

Ni m'am'anangau aika bati ao I kaitara ma kanganga aika I kuri ni kabuanib'ai iai, aika kanganga man taiani karaanga, mairouia taani kam'arua, mairouia au botannaomata, mairouia aomata aika tiaki I-Iutaia, man te kawa, i nanon te rereua, i marawa, mairouia taari ni kewe;

2.I-Korinto 3:17

Ao te UEA bon te Tamnei; ao ike E mena iai Tamnein te UEA, ao e mena iai te aro n inaomata.

I-Karatia 1:7

b'a bon akea riki te euangkerio teuana, ma ti iai tabem'aang aika aki karaungkami, aika kani kab'aoua euangkerioni Kristo.

I-Karatia 4:25

Aka bon te maunga are Tinai i Arabia, ao bon te banna ni kabotau naba i bukin Ierutarem ae ngkai, n arona n toronaki ma kaaina ni kabaneia.

I-Karatia 4:3

Ao ai arora naba, ngke ataei ngaira, ao ti toronaki ni baika iai m'aakaia n te aonnaba aei.

I-Karatia 5:1

B'a E kainaomataira Kristo i bukin te aro n inaomata; ma ngaia ae kam na teimatoa, ao kam na tai manga bae i aan te amo n toronaki.

I-Karatia 5:10

Ngkai I uaia n reitaki ma ngkami i nanon te UEA, ao I aki nanokokoraki b'a kam na bon aki b'aina te iango ae kaokoro. Ma te aomata are aki karaungkami, b'a antai ngaia, e na karawaawataaki ni motikan taekana.

2.Timoteo 3:6

Iai tem'angina i buakoia aika kawari aia auti aomata ao a anai nanoia aine aika akea aia iango ngkai a taonaki n rawawatani mwin aia bure aika bati, ao a kairaki n aeka n naano ni kaib'ab'aru aika bati.

Iakobo 1:25

Ma ane taratara te tua are moanibaan te raoiroi, are tuan te inaomata, n teimatoa iai, ngkai tiaki te aomata ngaia are e ongo ao i mwina e m'aninga, ma te aomata are karaoa nanon te baere e ongo, ao e na kakab'aiaki n are e na karaoia.

1.Betero 2:16

Kam na b'aina te maiu n inaomata; ma kam na tai b'aina inaomatami b'a aonami ngkana kam karaoa ae buakaka; ma kam na b'aina te maiu n toro ae maiuia aomata aika tooro iroun te Atua.

2.Betero 2:19

A tuangiia b'a a na inaomata, ma ngaiia bon ana toro te buakaka ae kamamate: b'a e toronaki te aomata iroun ane kataenikaiaki i rouna.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.