I-Karatia 2:17 - Te B'aib'ara

¹⁷ Ngkana arona ngkanne b'a ngkai ti kekeiaki ni kani kaeta reitakira ma te Atua n arora n reitaki ma Kristo, ao ti noraki iai b'a bon taani bure ngaira, e a nanonaki n aei ngkanne b'a E m'akuri Kristo i bukin te bure? E bon aki.

I-Karatia 2:17 ပူးပေါင်းရင်းမြစ်များ

Mataio 1:21

Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

Ruka 20:16

“Ane e na roko ni kamateia taan ribana akekei, ao ane e na anga nneni kureebe nakoia aomata tabem'aang.” Ngke a ongo aei aomata, ao a taku, “E na aki riki aei!”

I-Rom 11:7

Ao tera ngkanne ae riki? B'a te baere a ukoukoria Iteraera e aki reke i rouia ni kabaneia, ma ti irouia ake a rineaki; ao nikiraia a kamatoatoaki nanoia;

I-Rom 15:8

I tuangngkami b'a E roko Kristo b'a te tia buokiia I-Iutaia, ni kaotia nakoia b'a E a tia ni kakaonimaki te Atua ni kakoroa bukin ana taeka n akoi ake E taekin nakoia aia bakatibu ake a kakannato;

I-Rom 3:4

E bon aki! Ma e na ataaki b'a e koaua ana taeka te Atua, ao bon taani kewe aomata nako; n ai aron are koreaki ni kaangai: “Ane a na kaotiko am taeka b'a e eti arom; Ao ane ko na tokanikai ngkana e motikaki taekam.”

I-Rom 3:6

E bon aki! B'a ngke e aki eti aron te Atua, ao E na iranna ni motika taekan te aonnaba?

I-Karatia 2:11

Ma ngke e roko Keeb'a i Antioka, ao I taetae i matana n ekianako, b'a e bure te baere e karaoia.

I-Karatia 2:15

Ngaira bon I-Iutaia n rikira, ao tiaki aomata aika ianena aika taani bure, n aron are atoatongaki;

I-Karatia 3:21

E ekinakoaia nako ngkanne ana taeka n akoi te Atua te Tua? E bon aki; b'a ngke arona b'a e anganaki te aba te tua ae kona te kakamaiu, ao a kona ngkanne n reke reitakiia aomata ni kabaneia ma te Atua n iran nanon te tua anne.

I-Karatia 6:14

Ma ngai, I bon aki kani kamoamoaai n te b'ai teuana, ma ti n ana kaibangaki ara UEA are Iesu Kristo; b'a n ana kaibangaki ao ai aron ae mate te aonnaba nako iu, ao ngai nakon te aonnaba.

Ebera 8:2

Bon te tia m'akuri Ngaia n te tabo are moanibaan te tabu are n te um'anrianna ni koaua, are E kateia te Uea, ma tiaki te aomata.

1.Ioane 3:5

Ao kam bon ataia b'a E karokoaki Teuarei b'a E na uoti nako buure; ao bon akea te bure i nanona.