I-Karatia 1:8 - Te B'aib'ara

⁸ Ma ngkana tao ngaira ke te anera mai karawa, ae e na taekina te euangkerio riki teuana i rarikin are ti taekinna nakoimi, ao ke e reke kaina.

I-Karatia 1:8 ပူးပေါင်းရင်းမြစ်များ

Karikani B'aai 9:25

ao e taku, “E na tekebuaka Kanaan! E na riki b'a ana toro tarina.

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Ieremia 23:16

Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

Ieremia 23:36

E taraa n ae bon iai ami rongorongo n tatabemaningkami nako! Ma ngaia are, ngkana kam kaangai, “Aio te rongorongo mai roun te UEA,” kam a kab'aoua Au rongorongo nakon te kewe. Ururingnga b'a bon Atuam Ngai, te UEA ae Moan te M'aaka.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mareko 14:71

Ao e karereanti, ma n tuea, ao e kangai, “I aki kinaa te aomata ane kam atongnga.”

M'akuri 23:14

Ao a nako ni kawariia ibonga ake mataniwi ma unimm'aane, ao a taku, “Ti a tia ni kabaeira n ara taeka ni bau b'a ti na bon aki am'arake ni karokoa ae ti a tia ni kamatea B'auro.

I-Rom 16:17

I butingkami, taari, b'a kam na tarataraia te koraki akana eekaanako te reirei are kam reireiaki iai, b'a a karika te i raraaure iai irouia aomata; ao baika a karaoi a riki b'a b'aai ni kab'akab'aka. Kam na kararoaingkami mai rouia!

I-Rom 9:3

Ao e bia reke kaiu, ma ni karaureaki ma Kristo i bukiia tariu ake au bu n te katei n aomata;

1.I-Korinto 12:3

Ma ngaia ae I kaotia nako imi, b'a bon akea ae kairaki iroun Tamnein te Atua, ae e kangai, “Ke e reke kain Iesu!” Ao akea ae kona ni kangai, “Te UEA Iesu”, ma ti ngkana e kairaki iroun te Tamnei are Raoiroi.

1.I-Korinto 16:22

Ngkana arona b'a iai ane aki tangira te UEA, ao ke e reke kaina. M'arana ta!

I-Karatia 1:9

N aron are ti a tia n atongnga ngkoa, ao I a manga atongnga naba ngkai, Ngkana tao e taekinaki iroun te aomata temanna te euangkerio riki teuana i rarikin are kam anganaki, ao ke e reke kaina.

I-Karatia 3:10

B'a a nangi reke kaiia aomata aika bati aika karaoi baika tangiraki n te Tua; b'a e a tia ni koreaki ae kaangai, “E na reke kain te aomata ae aki teimatoa ni karaoi b'ai ni kabane ake a koreaki ni bokin te Tua!”

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

Tito 3:10

Ao i bukin te aomata ae karika te i raraaure n iango irouia aomata, ko na aki manga tabe ma ngaia ngkana ko a tia ni kauoua reireiana;

Iotua 9:23

Ao i bukin ami m'akuri aei ngkai ao E karekekaimi te Atua b'a kam na riki b'a ara toro. Kam na riki b'a ara taan koroaia, ao ara taan uraki ran i bukin um'an te UEA.”

2.Betero 2:14

Nanoia bon ti te kani wene ni bure ma aine aika a nooriia; a aki kona n rauaki nanoia ae kani bubure. A kaririia aomata aika mamara ni maiuia b'a a na kam'aneia. Bon iai nanoia aika kataneiaki b'a a na kani b'aib'ai. A na bon reke kaiia;

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.