I-Karatia 1:7 - Te B'aib'ara

⁷ b'a bon akea riki te euangkerio teuana, ma ti iai tabem'aang aika aki karaungkami, aika kani kab'aoua euangkerioni Kristo.

I-Karatia 1:7 ပူးပေါင်းရင်းမြစ်များ

Ieremia 23:26

A nako b'aai ni kabane ake a taekin man nanoia aika a b'aoua. E na maanra aron te waaki aei?

Ieremia 23:36

E taraa n ae bon iai ami rongorongo n tatabemaningkami nako! Ma ngaia are, ngkana kam kaangai, “Aio te rongorongo mai roun te UEA,” kam a kab'aoua Au rongorongo nakon te kewe. Ururingnga b'a bon Atuam Ngai, te UEA ae Moan te M'aaka.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

M'akuri 13:10

Ngkoe ae natin te riaboro, ae ko on n te uarao ni kabanea ma aaro ni babakanikawai ni kabanea, ae ana kairiribai te raoiroi ni kabanea, ko aki kona n toki man arom ae te atong koaua mairoun te Atua b'a keewe?

M'akuri 15:24

Ngkai ti ongo b'a iai tabem'aang i buakoia ara koraki aika kakiriweingkami n aia taeka, ao a uru nanomi iai, aika te koraki aika akea ara taeka nakoia b'a a na karaoa ae aron anne.

M'akuri 20:30

ao ane a na kaoti aomata tem'angina mai buakomi ao a na atongi baika b'aoua, b'a a aonga ni katikiia ake a onimaki b'a raoia.

2.I-Korinto 11:13

B'a te koraki akanne bon taan tuatua ni kewe, aika taani m'am'ana te aba n aia m'akuri, ao a onikia b'a aongkoa ana taan tuatua Kristo.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

I-Karatia 1:6

I mimi ngkai kam kai rairaki mairoun Teuare weteingkami n ana akoi Kristo, nakon te euangkerio teuana;

I-Karatia 2:4

E riki aei i bukiia taari ni kewe ake a karinaki ni karabaaki i buakora b'a a na taratarai aroni inaomatara are reke iroura n reitakira ma Kristo Iesu. A tangiria b'a a na tau-toronira,

I-Karatia 4:17

A tauaninne aomata akanne iroumi, ma tiaki n te aro ae e raoiroi; ma a kani kaokoroingkami,

I-Karatia 5:10

Ngkai I uaia n reitaki ma ngkami i nanon te UEA, ao I aki nanokokoraki b'a kam na bon aki b'aina te iango ae kaokoro. Ma te aomata are aki karaungkami, b'a antai ngaia, e na karawaawataaki ni motikan taekana.

I-Karatia 5:12

A bia boni koroia ngaiia te koraki akana aki karaungkami!

I-Karatia 6:17

Kabanean au taeka: Akea ae na kariki baika N na aki rau iai; b'a I uoti mwin kain te UEA are Iesu n rab'atau.

2.Timoteo 2:18

ake a tia ni b'aoua nako man te koaua, ngkai a taku b'a e a kaman tia n roko bongin te manga-maiu man te mate; ao a uru aia onimaki iai tabem'aang.

1.Ioane 2:26

I koroi baikai nako imi i bukiia akana kataia ni m'am'anaingkami.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

2.Ioane 1:10

Ngkana e kawaringkami temanna ao e aki uota te taeka n reirei aei, ao kam na tai butim'aia ni karinna i nanon ami auti, ao kam na tai kamauria.

2.Ioane 1:7

B'a a bati taani m'am'ana te aba ake a tia ni waki n aia m'akuri i aonnaba, ake a aki kakoaua Iesu Kristo b'a E roko n rab'ata. Te aomata ae arona aei boni ngaia te tia m'am'ana te aba ao ana kairiribai Kristo.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 2:2

I atai aroarom ni kabane, ma arom n rangi ni m'akuri korakora, ma nanom'aakam, ma arom n aki kona n taona nanom nakoia akana buakaka; ao ko a tia ni kataia akana taku b'a taan tuatua ngaiia ngke bon tiaki, ao ko kuneia b'a bon taani kewekewe.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;

Te Kaotioti 2:6

Ma iai arom aei: ko ribai aia m'akuri raon Nikorao, ake m'akuri ake I ribaai naba.