I-Ebeto 6:9 - Te B'aib'ara

⁹ Ao ngkami tooka, kam na karaoi baikai naba nakoia, ao tai kakamakuia; ngkai kam ata aia Toka, are ami Toka naba, b'a E mena i karawa, ao akea ae E nanoniia irouia aomata.

I-Ebeto 6:9 ပူးပေါင်းရင်းမြစ်များ

Neemia 5:5

Bon I-Iutaia naba ngaira n ai aroia, ao bon ti te bo naba raoiroia ara ataei ma aia ataei. Ma ti bon kaakabooi nako ara ataei b'a taian toro, ao a tia n tauaki natira aine tabeman. Bon akea buokara; ao a tia naba n anaaki mairoura ara tawaana ma nnen arokara kureebe.”

Iobi 34:19

E aki tei n aia itera taan tautaeka, ke n raoniia riki aomata aika kaub'ai nako ia aika kainano, kioina ngke E bon karikia aomata ni kabane.

Taian Areru 140:12

Ara UEA, I ataiko b'a Ko ko tei i bukiia aika akea mwengaia ao ko taraa te motiraoi nakoia aika a maiu ni kainano.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Taniera 3:15

Ma ngaia ae ngkai, n te tai are kam ongo iai tangin te bu, ma te bikura, ma te raea, ma te tita, ma te aabi, ao b'aai ni tangitang ake tabeua, ao kam na bobaraaki n taromauriia te bouananti. Ao ngkana kam aki, ao kam na teweakinako nako nanon te ai ae e ura m'aaka. Kam taku b'a iai riki te anti temanna ae e kona ni kamaiungkami?”

Taniera 3:6

Ao ane e aki bobaraaki n taromauri, ao e na anaaki naba n te tai anne n teweakinako nako nanon te ai ae e uram'aaka.”

Nakoaia Ibonga 19:13

Tai iraa ke tao ni kam'anea temanna, ao tai toki ni kab'akai booia ami taani m'akuri ni katoa tokin te bong.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 22:10

Ao a nako tooro akekei nakoni kawai nako, ao a botiia aomata ni kabaneia, akana buakaka ma akana raoiroi, ake a bo ma ngaiia; ao e on te tabo ni baka i rouia.

Mataio 22:8

E taku ngkanne nakoia ana toro, “E a tauraoi au am'arake ni baka i bukin te iein, ma te koraki ake a tia ni kaoaki a aki tau b'a a na roko iai.

Mataio 24:48

Ma ngkana te toro ae buakaka ngaia, ao ane na kangai i nanona, E waeremwe n roko au toka;

Mataio 24:51

ao e na kataerea ni karawawataa, ao e na kaki i rarikiia taani m'am'ana-te-aba, n te tabo ike a na tang iai aomata ma n tenai riaia b'a kaotan ae a rotaki n te maraki ae korakora.

Mataio 7:12

Ma ngaia aei, b'a b'aai ni kabane aika kam tangiri b'a a na karaoaki nako imi irouia aomata, ao kam na karaoi naba nako ia: b'a aei te reirei ae kanoan tuua ake e anga Moote ma aia boki burabeti.

Ruka 6:31

Karaoa naba nakoia aomata te baere ko kaantaningaia b'a a na karaoia nako im.

Ioane 13:13

Kam atongai b'a te Tia Reirei ao te Uea; ao e eti ami taeka, b'a boni Ngai.

M'akuri 10:34

Ao e kaurea wina Betero, ao e taku, I ataia b'a bon te koaua b'a E aki nanonano te Atua.

I-Rom 2:11

B'a e aki nanonano te Atua.

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

1.I-Korinto 7:22

B'a te toro ae weteaki iroun te UEA, bon ana aomata te UEA, ae e kainaomataki; ao ai aron naba te aomata ae inaomata, ae weteaki, b'a bon ana toro te UEA.

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

I-Korote 3:25

B'a ane karaoa ae buakaka ao e na karekea booni mwin ana m'akuri, ao akea te aomata ae na nanonaki.

I-Korote 4:1

Tooka, kam na karaoa ae riai ao ae eti n aromi nakoia ami toro; ngkai kam ataia b'a bon iai ami Toka i karawa.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Iakobo 2:8

Ma kam karaoa ae e raoiroi ngkana kam toua mwin te tua are mairoun te Uea, are e koreaki ni kaangai, “Ko na tangira raom n ai aron tangiram i bon i roum.”

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

1.Tamuera 15:17

Ao e reitanako ana taeka Tamuera ao e taku, “Ko na tai iangoia b'a ko a rangi ni kakannato, b'a E rineiko te UEA b'a ko na uea b'a ko na tararuaia barongan Iteraera.