I-Ebeto 6:4 - Te B'aib'ara

⁴ Ao ngkami taama, tai kauniia natimi: ma kam na tongaiia ma ni kairiia i aan te reireiaki ma te tuatuangaki aroia aika riai n ai aron nanon te UEA.

I-Ebeto 6:4 ပူးပေါင်းရင်းမြစ်များ

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

1.Rongorongo 29:19

Angan Toromon te nano ni kan ongotaeka nakon am tua ma am reirei ma nanona ni koaua, ao tangiran kan karaoan te Tembora ake I a tia ni katauraoi b'aintangira aikai i bukina.

Taeka n Rabakau 19:18

Kaetiia natim b'a kam kaawa n rangi n ooimwi; ngkana kam aki katuuaia, kam bon uruana aroia.

Taeka n Rabakau 22:15

A bane n nanobaba naati ma e na kawanawanaia kaetakiia ae e matoa.

Taeka n Rabakau 22:6

Reireiniia natim ae e raoiroi, ao ane a na teimatoa n kaakaraoa ae e raoiroi ngkana a ikawai.

Taeka n Rabakau 29:15

Kaetiia am ataei, ao ane a na wanawana; ataei aika a aki konaa ni kairaki a bon kamamaaia tinaia.

Taeka n Rabakau 29:17

Ane a na anganiko te rau ma te kukurei natim ngkana ko kaetiia.

Itaia 38:19

Bon ti aomata aika a konaa ni karab'ako, n aron ae I karaoia n te bong aei. Rooro nako a na kaongoia te roro ake i mwiia aron am kakaonimaki.

I-Ebeto 6:3

“b'a ko aonga ni kab'aia, ao e aonga ni maan am tai ni maiu i aon te aba.”

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

Te Tua-Kaua 6:7

ao tuangiia ami ataei n taai nako. Taetaekinna n taai nako, ni mwengami ke i aon te kawai ke i aoni kiemi n te tairiki, ke ngkana kam uti n te ingabong.

I-Korote 3:21

Taama, kam na tai kabonoi nanoia natimi, b'a a kawa ni b'ara nanoia.

2.Timoteo 1:5

I aki kona ni m'aninga taekan te onimaki ni koaua ane i nanom, are mena moa i nanon tibum are Nei Roiti ma tinam are Nei Eunike; ao I bon ataia b'a e mena naba ngkai i nanom.

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”

Tani Motiki-taeka 13:12

Ao e titiraki Manoa ni kaangai, Tera te tua ae ti na ira nanona, ao tera ae na karaoia natira ngkana e koro bukin am taeka ni berita?