I-Ebeto 6:20 - Te B'aib'ara

²⁰ are te tia taetae ngai i bukina ae I kabaeaki iai n te taurekereke; b'a I aonga n taekinna n aki mamaku, n te aro ae riai b'a N na taekinna iai.

I-Ebeto 6:20 ပူးပေါင်းရင်းမြစ်များ

Taeka n Rabakau 13:17

E konaa ni karaoiroi b'aai ke ni i kabuakakai b'aai nakoimi te aomata ae e na karokoa ami rongorongo.

Itaia 33:7

Kakauongo! Taani buaka aika kam ninikoria aika kam biribiri i nanon kawain nuukan te kaawa, aika kam takaarua i bukin buokami. E kaantaninga te rau ara taani uarongorongo, ma a okiri aia auti ma te tang.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Ieremia 1:17

Katauraoiko Ieremia! Naako tuangiia aomata te b'ai are I mwiokoiko b'a ko na taekinna. Ko na aki maakuia, b'a I kaawa ni kakamaakuko i mataia.

Ieremia 40:1

Ao I kairaki nako ma kabaeau taian tiein n reitaki ma kaain Iuta ao kaain Ierutarem ake a uotaki nako ngkoa nako B'aburon. Bon te aobitia Nebutaratan ae e tararuaia taan tei, ao E kainaomataai te UEA ngke ti a roko i Ram'a.

M'akuri 21:33

E kaniia B'auro ngkanne teuare aia mataniwi tautia n taua, ao e tua b'a e na kabaeaki n taurekereke aika uaai. E titiraki ngkanne ao e taku, “Antai teuaei, ao tera ae e karaoia?”

M'akuri 26:29

Ao e taku B'auro, “E kimototo ke e ananau, bon au tataro nakon te Atua b'a ko bia riki n arou, ngkoe ma aomata ni kabaneia aika ongora i rou n te bong aei, ma ti taurekereke aikai b'a kam na aki kabaeaki iai!”

M'akuri 28:20

Ao bon aei bukin are I kaoingkami iai, b'a N na noringkami, ma n taetae nakoimi: b'a I kabaeaki n te taurekereke aei i bukin aia kaantaninga Iteraera.

M'akuri 28:31

E tataekina Uean te Atua, ao e reirei taekan te UEA are Iesu Kristo n aki mamaku, ma n aki tutukaki.

M'akuri 5:29

Ao a kaeka Betero ma taan tuatua ni kaangai, E riai riki iran nanon te Atua nakon iran nanoia aomata.

2.I-Korinto 3:12

Ma ngaia ae ngkai iai i rouia te kaantaninga aei, ao ti rangi n ninikoria,

2.I-Korinto 5:20

Ma ngaia ae taan taetae ngaira i bukini Kristo, ao kanga E taetae ni bubuti te Atua i roura: ti butingkami i bukini Kristo, b'a kam na raoi ma te Atua.

I-Ebeto 3:1

Ma ngaia ae ngai ae B'auro, ae ana aomata Kristo Iesu ae kabureaki i bukimi ngkami aika tiaki I-Iutaia,

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Ebeto 6:19

ao i buku naba; b'a I aonga n anganaki te taetae, b'a N na kaurea wiiu n aki mamaku, ni kaota te baere raba are n te euangkerio,

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

I-Biribi 1:7

E bon riai reken te namakin aei i rou i bukimi ni kabaneingkami, b'a kioina ngkai kam memena i nanou. B'a kam a tia ni bane ni buokanib'ai ma ngai n te m'akuri are I anganaki iroun te Atua, n arou ngkai I kabaeaki ao ngke I kakaitarai taeka aika eekaanako te euangkerio, ma ni karina te euangkerio i nanoia aomata b'a e na tiku ni matoatoa.

I-Korote 4:3

ao kam na tataro naba i bukira, b'a E na karekea nako ira te anga are ti na kona iai n taekina te rongorongo are taekan te baere raba are taekani Kristo, are ngaia, are I kabaeaki iai i bukina;

I-Korote 4:4

b'a I aonga ni kaotia n te aro ae riai b'a N na taetae iai.

1.I-Tetaronike 2:2

ao n aron ae kam ataia, ti a tia ni kamarakaki ma ni b'ainikirinaki i Biribi, ma ti ninikoria iroun Atuara n taekina ana euangkerio nako imi ma te kekeiaki ae bati.

2.Timoteo 1:16

E na nanoangaki ana utu Onetiboro iroun te Uea, i bukina b'a e aki toki Onetiboro ni kaungaa nanou, ao e aki mamaa ngkai I kabaeaki:

2.Timoteo 2:9

ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.

Biremon 1:10

I butiko i bukin Onetimo ae riki b'a natiu i nanoni Kristo; b'a i nanon au tai ni kabureaki, ao I a tia n riki b'a kanga tamana ngai.

Biremon 1:9

Ma i bukin te tangira, ao e a raoiroi riki i rou b'a N na butiko, ngai ae B'auro, ae te tia ua-rongorongo ae I kabureaki naba ngkai i bukini Kristo Iesu,

1.Ioane 3:16

Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.

Iuta 1:3

Ngkami aika kam tangiraki, ngke e korakora nanou ni kani koroboki nako imi n taekina te maiu ae bon ara b'ai ma ngkami, ao I taku b'a e bon riai b'a N na koroboki nako imi ni butingkami b'a kam na kakorakoraingkami i bukin te onimaki are a anganaki ake a itiaki n te tai ae ti teuana ao akea riki.