I-Ebeto 6:2 - Te B'aib'ara

² “Ko na karinea tamam ma tinam” bon aei te moa n tua ae raonaki n te taeka n akoi ae kaangai:

I-Ebeto 6:2 ပူးပေါင်းရင်းမြစ်များ

Te Otinako 20:12

“Karineia tamami ma tinami b'a a aonga n ab'ab'aki ami bong ni maiu i aon te aba are I anganingkami.

Taeka n Rabakau 20:20

A na roko n aban te rotongitong i m'aain rokon aia tai, naati aika a kamaraiaia aia karo.

Ieremia 35:18

Ao i mwiina, e tuangai te UEA b'a N na kaangai nakon ana kaainga kanoan Rekaba: Bon te UEA Ngai ae Moan te M'aaka, ae Atuaia Iteraera. Kam a tia n ongotaeka nakon ami bakatibu are Ionataba,

Ieremia 35:7

ke ni katei auti ke n ununiki n te uita ma te kureebe. Ma kam na ti mamaeka n te autinrianna ma ni m'am'ananga man te tabo teuana nakon te tabo teuana. Ngkana kam ira nanon te tua aei, ao e na anaanau maiumi.”

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.

I-Ebeto 6:3

“b'a ko aonga ni kab'aia, ao e aonga ni maan am tai ni maiu i aon te aba.”

Te Tua-Kaua 5:16

Karineia tamami ma tinami, ao e na ananau ma n tetekeraoi maiumi n te aba are I anganingkami.

1.Timoteo 5:4

Ma ngkana iai natin ke tibun te aine ae kananoanga ae e mate buna, ao a na reireiaki moa aroia ni karaoi tabeia aika a aanaki n ana kaantaninga te Atua nakoia oin aia utu, ma ni kabooa akoakiia irouia aia karo ma tibuia: b'a e riai aei i matan te Atua.