I-Ebeto 6:15 - Te B'aib'ara

¹⁵ ao kauniwaeningkami n te tauraoi n taekina euangkerion te raoi.

I-Ebeto 6:15 ပူးပေါင်းရင်းမြစ်များ

Ana Anene Toromon 7:1

Bon te natinuea te aine ngkoe, ao a kakateke waem i nanon am kau. Boton rangam bon ana m'akuri te tia karaob'ai ae e tabonibai, aika te naan tirewa ni kauaai;

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Ab'akuka 3:19

E anganai korakorau te UEA. E karaoi waeu b'a ana aki marannako n ai aron waen te ria, ao E kawakinai raoi i aon te maunga.

Mareko 6:9

A na karin aia kau ni wae, ao a na aki b'ain uoua aia kabaraki!”

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

I-Rom 10:15

Ao a na kanga n tataekinna ngkana a aki kanakoaki? N ai aron are koreaki ni kaangai, “Ai tamaroa ra waeia ake a roko n uoti rongorongoni baika raraoi!”

Te Tua-Kaua 33:25

ao a na reke mataroan am kaawa aika matoatoa aika te buraonti ao te biti b'autiia. A na korakora ami aomata ni kabane bongin maiuia.