I-Ebeto 5:8 - Te B'aib'ara

⁸ B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;

I-Ebeto 5:8 ပူးပေါင်းရင်းမြစ်များ

Taian Areru 74:20

Ko na ururinga te boraraoi are Ko karaoia ma ngaira. A toa taabo nako aika roo i aon te aba ni m'akuri ni kakiriwe.

Itaia 2:5

Kaain Iteraera, ti na maiu n ootan te UEA.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 49:9

Ko na kainaomataia buure man taiani kakai ake a rootongitong b'a a na noora ootan te ngaina. Ana kunei kanaia aika a m'aiti i aon kawaia n okira mwengaia, e ngae ngkana a mena i aon tabuki aika akea kain aoia.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 9:2

A tia n noora te oota aomata ake a tia n nakonako i nanon te roo. Ao a oota nako i aoia ni kabane aomata ake a maeka n te aba are te kabanea n rootongitong nuuna.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Mataio 3:8

Kam na karaoi m'akuri aika na kaota ae kam a tia n rairi nanomi;

Mataio 4:16

A nora te oota ae te oota ae korakora aomata ake a tekateka n te roo; ao e kaoti te oota nakoia ake a tekateka i aban te mate ao i nuuna.”

Ruka 1:79

N anga te oota nakoia ake a mena n te roo ao n nuun te mate, ao te oota aei e na oota ao ni kairiira nakoni kawain te kamaiu.

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 12:36

Ngkai iai te oota iroumi, ao kam na onimakinna, b'a kam aonga n riki b'a natin te oota.” Ngke E a tia n atongi baikai Iesu, ao E nako ni karaba mai rouia.

Ioane 12:46

I roko b'a te oota i aonnaba, b'a e na aki mena n te roo ane onimakinai.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

I-Rom 13:12

E a kani bane te bong, ao e a kaan te ngaina. Ma ngaia ae ti na katikui m'akuri nako aika b'ain te roo, ao ti na anai b'aai ni buaka aika b'ain te oota.

I-Rom 2:19

ko onimakiniko b'a te tia kaiririia matakii ngkoe, ao te oota nakoia akana mena n te roo,

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

2.I-Korinto 6:14

Kam na tai reitaki ni m'akuri ma akana tiaki taan onimaki. B'a e na kanga ni buokanib'ai te raoiroi ma te buakaka? Ke e na kanga n i raorao te oota ma te roo?

I-Karatia 5:25

Ngkana te Tamnei ae ti maiu i rouna, ao boni Ngaia naba ae na kairi maiura.

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

I-Ebeto 4:18

a roo nanoia, ao a riki n ianena man te maiu are mairoun te Atua i bukin te babanga are i rouia, are reke i bukini matoatoan nanoia.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

I-Ebeto 6:12

B'a ti aki buaka ma aomata, ma ti buaka ma uea, ma ake a korakora, ma taan tauu taekan aonnaba aika taan taua aron te roo aei, ma taian tamnei aika buakaka ake i aani karawa.

I-Korote 1:12

ao b'a kam na katituaraoa te Tama, are karaoingkami b'a kam na tau ni karekea tib'angami n te baere E a tia ni kawakinna te Atua b'a aia b'ai ana aomata aika itiaki ake n te oota.

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.