I-Ebeto 5:4 - Te B'aib'ara

⁴ ao e aki riai b'a kam na atongi taeka aika aki tau aika taeka aika kam'araa, ma taeka ni winikam'arane aika aki riai; ma kam riai n taetae ni kaitau.

I-Ebeto 5:4 ပူးပေါင်းရင်းမြစ်များ

Taian Areru 33:1

Ngkami akana kam raoiroi, kam na kim'areirei i bukini baika E a tia ni karaoi te UEA; neboia, ngkami aika kam ongeaba i rouna.

Taian Areru 92:1

Ai raoiroira te katituaraoiko, te UEA, ao te anenea karaoiroan aram, Ngkoe ae Ko Moa n Rietaata,

Taeka n Rabakau 12:23

Kam na iangoraoi ao tai taekin b'aai ni kabane akana kam atai b'a bon taian nanobaba aika a touakina te aro n nanobaba nakon taabo nako.

Taeka n Rabakau 15:2

A roko taeka aika a wanawana mairouia aomata aika a wanawana, ma a taekinaki taeka aika a nanobaba mairouia aika a nanobaba.

Taeka n Rabakau 26:19

nakon ae ko na kam'aneia aomata ni keweia ao ko a manga kaangai, “I boni manikangare.”

Te Minita 10:13

A moana aia waaki nanobaba man te aki iango raoi, ao e toki nanorooia n te kabuanib'ai.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Mareko 7:22

ao e na mataai ni kani b'aib'ai, ao e na karaoi nako baika buakaka; e na b'aina te kewe, ma te maiu ae aki kani kaetaki, ma te bakantang, ma te taekin taeka ake e na kabuakakaki iai te aomata, ma te kainikatonga; ao e na karaoi baika e na atongaki iai b'a e baba.

Ioane 6:23

Ma iai tabewa booti ake a roko mai Tiberia nako rarikin te tabo are a kang kariki iai aomata i mwin ana tataro ni katituaraoi te Uea.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

2.I-Korinto 1:11

ngkai kam buokira n tataro i bukira, b'a a aonga n tataro ni katituaraoi i bukira aomata aika bati i bukin te kab'aia are ti anganaki b'a kaekaan taian tataro aika bati.

2.I-Korinto 9:15

E na katituaraoaki te Atua i bukin ana b'ai n tituaraoi are aki konaki ni kab'arab'araaki arona.

I-Ebeto 1:16

ao I aki toki naba ni katituaraoa te Atua i bukimi, ma n ururingkami n au tataro,

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.

I-Korote 3:8

Ma ngkai, kam na aki manga karaoi baikai: te un, te nanobuaka, te karekekai, te taetaebuaka, ao te taetae ae aki riai mai wiimi.

1.I-Tetaronike 3:9

B'a tera katituaraoan te Atua ae ti kona n anganna i bukimi, i bukin te kim'areirei ni kabanea ae ti kim'areirei iai i bukimi i matan te Atua?

1.I-Tetaronike 5:18

kam na katituaraoi ni b'aai ni kabane. B'a bon aei nanon te Atua i bukimi ngkai kam reitaki ma Kristo Iesu.

Biremon 1:8

Ma ngaia aei, b'a bon iai au ninikoria ae bati, ngkai ti uaia n reitaki ma Kristo, n tuangko te bae ko riai ni karaoia.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

2.Betero 2:7

E kamaiua Rota ae te aomata ae e raoiroi, are rawawata nanona n aroia n tam'are aomata aika buakaka.

Iuta 1:10

Ao te koraki aei a taetaebuakai baika a aki atai aroia; ao baika a atai n aia namakin aika ai aron aia namakin maan aika aki wanawana, a kamateaki iai.

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.