I-Ebeto 5:29 - Te B'aib'ara

²⁹ B'a bon akea te aomata ae riba rab'atana, ma e tararuaia ni karekei baika e kainanoi, ao e akoia, n ai aron naba Kristo ngkae E akoa te ekaretia,

I-Ebeto 5:29 ပူးပေါင်းရင်းမြစ်များ

Karikani B'aai 2:23

Ao e taku te mm'aane arei, “Ao ngkai bon riini kaokaou, ao irikou; ao e na aranaki b'a te Aine i bukina ngkai e anaaki mairoun te mm'aane.”

Taeka n Rabakau 11:17

E kaniwanganaki te akoi ma ngkana akea ami nanoanga, ao kam bon kamaraiaingkami i bon iroumi.

Te Minita 4:5

A na mate n te baki aomata aika a nanobaba aika a rukum baaia.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Etekiera 34:27

b'a e na buokiia ni karekei uaan arokaia ma ni karekei aia uita. N na kainaomataia man te tautoronaki ao N na karikiia b'a a na maeka n oin abaia n akea aia kangaanga. Ao i mwiina, a na ataia b'a bon te UEA Ngai.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Mataio 6:26

Kam na tarai mannikiba, ngkai a aki ununiki, ao a aki boboti uaa ngkana a tai, ao a aki uraki nakoni nnen am'arake; ma E kakaam'arakeia Tamami are i karawa. Tiaki kam kakawaki riki nako ia?

I-Rom 1:31

te koraki aika bure aroia, taan uru taeka ni boraraoi, taani babakaine, taan aki nanoanga.

I-Ebeto 5:28

E riai naba b'a a na tangiriia buia mm'aane n ai aroia n tangiri oin rab'ataia. Ane tangira buna ao e tangira oin rab'atana.

I-Ebeto 5:30

n aron ae ti ataia ngkai kaain te ekaretia ngaira.

I-Ebeto 5:31

N aron are koreaki n te B'aib'ara, ni kaangai: “I bukin aei, ao e na kitana tamana ma tinana te aomata, ao e na nim ma buna, ao a na riki b'a ti te irikona naka uoman.”