I-Ebeto 5:25 - Te B'aib'ara

²⁵ Mm'aanenum'a, kam na tangiriia buumi, n ai aron naba Kristo ngkae E tangira te ekaretia, ao E anga Ngaia b'a E na mate i bukina.

I-Ebeto 5:25 ပူးပေါင်းရင်းမြစ်များ

Karikani B'aai 2:24

Ao aei bukina are e kitana iai tamana ma tinana te mm'aane n nim ma buuna, ao a riki n ti teuana.

Karikani B'aai 24:67

Ao e a kaira Nei Rebeka nakon te auti n rianna are e maeka iai ngkoa tinana are Nei Taara, ao e a riki b'a buuna. E rangi n tangira Nei Rebeka Itaaka, ao e a riki ni m'aninga iai nanokaawakina ni buan tinana.

2.Tamuera 12:3

ma bon ti temanna ana tiibu ae te ataei te aomata are e maiu ni kainano ae e kabooa ao e kaikawaia. E riki te tiibuteteei arei i rouna ma natina b'a te man ae a tatangiria. E bon kaam'arakea naba n ana raurau ao e kamooia naba n ana m'angko ao e kamatuua ni b'ab'akoia. E riki ana tiibuteteei arei b'a kaanga oin natina.

Ana Anene Toromon 1:11

Ti na karaoa katamaroaam man te koora, aika a rarangaaki ma te tirewa.

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

I-Karatia 1:4

are anga Ngaia i bukin ara bure, b'a E aonga ni kamaiura mai aon te aba ae buakaka aei, n ai aron nanon Atuara ae Tamara,

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

I-Ebeto 5:24

Ma aron te ekaretia ngkae e aan-taeka irouni Kristo, ao ai aroia naba ainenum'a b'a a na aan-taeka irouia oini buia ni b'aai ni kabane.

I-Ebeto 5:28

E riai naba b'a a na tangiriia buia mm'aane n ai aroia n tangiri oin rab'ataia. Ane tangira buna ao e tangira oin rab'atana.

I-Ebeto 5:33

Ma bon taekami naba ni tatabemaningkami: e na tangira buna te mm'aane n ai arona n tangira oin rab'atana; ao e na karinea buna te aine.

I-Korote 3:19

Mm'aanenum'a, kam na tangiriia buumi, ao kam na tai unun nako ia.

1.Timoteo 2:6

are anga Ngaia i bukini kainaomataiia aomata ni kabaneia. E a kaotia n arona anne b'a te b'ai ni kakoaua n taina ae riai i bukin nanon te Atua n tangiriia aomata ni kabaneia b'a a na kamaiuaki;

1.Betero 3:7

Ao i bukimi mm'aanenum'a: kam na maeka ma buumi ma te atatai b'a ngaiia ai aron te m'angko ae mamara riki, ngkai te aine. Kam na karineia, i bukina b'a a na uaia ni b'aib'ai ma ngkami n te b'ai n tituaraoi ae te maiu; b'a a aonga ni kaekaaki ami tataro.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,