I-Ebeto 5:20 - Te B'aib'ara

²⁰ ao kam na aki toki ni katituaraoa te Atua are te Tama n aran ara UEA are Iesu Kristo, i bukini b'aai ni kabane;

I-Ebeto 5:20 ပူးပေါင်းရင်းမြစ်များ

Iobi 1:21

Ao e taku, “I bungiaki ngkoa n akea au b'ai; ao N na manga mate naba ma akea au b'ai. E anganai au b'ai te UEA, ao ngkai E a manga anai. Ke E neboaki arana!”

Taian Areru 34:1

N na karaoiroa te UEA n te bong ae koraki; N na aki toki ni karaoiroia.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

M'akuri 5:41

Ma ngaia are, a nako man te Tanirim ma te kim'areirei, b'a a kona n atongaki b'a a tau ni kamaamaaeaki i bukin te ara ae Iesu.

I-Rom 1:8

I rimoa moa ni kaitaua Atuau iroun Iesu Kristo i bukimi ni kabaneingkami, i bukin ami onimaki ae taekinaki i aonnaba ni bane.

1.I-Korinto 1:4

I aki toki ni kaitaua Atuau i bukimi, i bukin ana akoi are kam a tia n anganaki ni maiumi n reitaki ma Kristo Iesu,

1.I-Korinto 15:24

ao rimwi te toki, are E na anga iai te tautaeka Kristo nakon te Atua are te Tama, ngkana E a tia ni kamaunai aaro n tautaeka, ma n tau aaro nako, ma aeka ni m'aka nako.

I-Ebeto 5:4

ao e aki riai b'a kam na atongi taeka aika aki tau aika taeka aika kam'araa, ma taeka ni winikam'arane aika aki riai; ma kam riai n taetae ni kaitau.

I-Biribi 1:3

I katituaraoa Atuau n taai ni kabane aikai I uringngkami iai,

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.

I-Korote 3:17

Ao b'aai ni kabane akana kam karaoi ke kam taekin a riai ni bane ni karaoaki n aran te UEA are Iesu, ao kam na katituaraoa te Atua ae te Tama i bukini Kristo.

1.I-Tetaronike 3:9

B'a tera katituaraoan te Atua ae ti kona n anganna i bukimi, i bukin te kim'areirei ni kabanea ae ti kim'areirei iai i bukimi i matan te Atua?

1.I-Tetaronike 5:18

kam na katituaraoi ni b'aai ni kabane. B'a bon aei nanon te Atua i bukimi ngkai kam reitaki ma Kristo Iesu.

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

2.I-Tetaronike 2:13

Ma e riai b'a ti na katituaraoa te Atua n taai nako i bukimi, taari, akana kam tangiraki iroun te Uea. I bukina b'a E a tia n rineingkami te Atua b'a moan aomata ake a ana kamaiuaki ni m'aakana iroun Tamneina are Raoiroi b'a kam aonga n Raoiroi, ao ni kaaki ami onimaki n te koaua.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.