I-Ebeto 5:18 - Te B'aib'ara

¹⁸ Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

I-Ebeto 5:18 ပူးပေါင်းရင်းမြစ်များ

Karikani B'aai 9:21

Ao ngke e a tia ni mooi n te wain Nooa, ao e a koro ni manging, e kanakoa kunnikaina, ao e wene ni bebeekan i nanon te auti n rianna.

Taian Areru 69:12

A tataekinai i nanoni kawain te kaawa, Ao a karioaki anene aika iai taekau iai irouia taani moi manging.

Taeka n Rabakau 20:1

Bon te aki wanawana te koro ni manging! E kananobabako te mooi manging ao e kairiko nakon te un.

Ana Anene Toromon 1:4

Kawaekoako, au uea! Ti a kawaekoaira. Kairai nakoni mwengam. Ti rangi ni kukurei iroum! Ao ti neboa am tangira nakon riki te wain. Ataeinainen Ierutarem, e tamaroa b'a kam na ti neboia.

Ana Anene Toromon 7:9

E rangi ni karewerewe riki te kiiti ma ngkoe nakon nimakin te kabanea n tamaroa ni wain. Ai tamaroara ao ai kangkangira!

Itaia 25:6

E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 5:22

Kam kaangaanga n te mooi ma renganan taiani mooi. Ma kam a reke n te kaangaanga.

Itaia 55:1

Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Nakoaia Ibonga 10:9

“Kam na aki rin n ana Um'antabunrianna te UEA i mwiin mooimi n te wain ke te biia; ngkana kam karaoa anne, kam na boni mate. Bon aei te tua ae riai ni kaawakinaki irouia ami kariki ni kabane.

Mataio 23:25

A na reke kaimi, taani koroboki ma B'aritaio, aika taani m'am'ana-te-aba! B'a kam kaitiaka akuun te m'angko ma te raurau, ma a on nanoia n am'arake ma ninima aika reke n te aro n iowawa ma ni kani b'aib'ai.

Mataio 24:49

ao e moana batiboaia raona nako n toro, ao e am'arake ma ni moi ma ake a roko ni manging.

Ruka 1:15

b'a ane e na kakannato i matan te Uea, ao e na aki nima te wain ae kamanging ke mooi aika matoatoa, ao e na kaonaki n te Tamnei are Raoiroi, man te tai are e mena iai i nanon biroton tinana.

Ruka 11:13

Ngkai kam ata te angania natimi, ngkami aika kam buakaka, baika raraoi, ao tiaki e m'aiti riki iroun Tamami are i karawa te kan anga te Tamnei are Raoiroi nakoia akana butiia!

Ruka 12:45

Ma ngkana e kangai te toro arei i nanona, E baenikai n roko au mataniwi; ao e moana oreaia tooro mm'aane ma tooro aine, ao e am'arake ma ni mooi, ao e kakoroa ni manging;

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

Ioane 2:10

ao e taku nakoina, “A bane n anganaki moa aomata te wain ae rangi n raoiroi, ao ngke a bati n nimma, ao a manga anganaki te wain ae aki bati n raoiroi. Ma ngkoe ko a tia ni kawakina te wain are rangi n raoiroi ni karokoa ngkai!”

M'akuri 11:24

B'a te aomata ae e raoiroi B'arenaba, ao e on n te Tamnei are Raoiroi, ao bon te tia onimaki ni koaua. Ao a bati aomata ake a tib'a onimakina te UEA.

I-Rom 13:13

Ti na b'aina te aro ae riai ni maiura n ai aroia aomata aika maeka n ootan te ngaina; ti na aki b'aina te maiu are iai i nanona te momooi manging, ma te wene ni bure, ma aaro ni kammaira nako, ma te unun, ma te bakantang.

1.I-Korinto 11:21

B'a ngkana kam am'arake, ao e waki n am'arake i bon i rouna te aomata n aki tataninga; ao e baki temanna, ao e manging temanna.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 6:10

ma taan iraa, ma akana mataai ni kani b'aib'ai, ma akana b'aina te mamanging, ma taan taetae n iowawa, ma taan anai b'aai n te aro n iowawa. E aki kona n reke uean te Atua irouia aomata aika ai aroia aikai.

Te Tua-Kaua 21:20

Ao a na tuangiia taani kairiiri ni kaangai, “E rangi n taningabono natira te m'aane aei, ao e aki ongotaeka. E aki toki n mamanging, ma ni kakaei taian takakaro.”

1.I-Tetaronike 5:7

B'a a matu aomata n te bong, ao a manging n te bong naba.

Tito 1:6

Te unimm'aane e riai n te aomata ae akea kabuakakaana; e na ti temanna buuna ao taan onimaki natina aika akea i rouia te maiu buaka ke te maiu n aki ongeaba.