I-Ebeto 5:11 - Te B'aib'ara

¹¹ Tai buokanib'ai n ana m'akuri te roo aika akea uaaia, ma kam na kaoti aroia;

I-Ebeto 5:11 ပူးပေါင်းရင်းမြစ်များ

Karikani B'aai 20:16

Ao e taku nakon Nei Taara, “I angani m'anem tengaa te m'akoro n tirewa b'a te b'ai ni kakoaua nako ia aika raom n te tai aei b'a bon akea am bure; a na bane n ataia aomata b'a ko tuai bure.”

Taian Areru 141:5

E kona n oreai te aomata ae e raoiroi ma ni boaai i bukin nanona ni kan akoi, Ma I bon aki kona ni kariaia karineau mairouia akana buakaka, i bukina b'a I aki toki n tatataro b'a a na ekakinako aia m'akuri aika bubuaka.

Taeka n Rabakau 1:10

Ko na aki kaririiaki irouia taani bure ke n ongo

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 13:18

A na bane n kainano ma ni kamaamaaeaki akana a rawa ni kaetaki; ao a na bane n neboaki akana a kukurei ni kaetaki.

Taeka n Rabakau 15:12

Akana a b'ainingareia tabem'aang a rawa ni kaetaki, ao a na bon rawa ni buubuti buokaia mairouia akana a iangoraoi.

Taeka n Rabakau 19:25

A karekei wanawanaia aomata aika a bangab'ai man noorakin katuaeakiia tem'angina; e reireinna arona te aomata ae e iangoraoi ngkana e kaetaki.

Taeka n Rabakau 25:12

E raoiroi riki te ongora n taeka n reirei nakon taiani b'ai ni katamaroa aika koora.

Taeka n Rabakau 28:4

E neboa te aomata ae e buakaka taan urua te tua, ma a aki toki ni kaitaraaki n taai nako irouia aomata aika a kaawakin taian tua.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Itaia 29:21

n reitaki ma aomata ni kabane aika a tataekina te kewe n tain te bowi ma n teimatoa n aki anganiia aika akea aia bure te babaire ae e eti.

Ieremia 15:17

I aki kaei bootaki ni kukurei ni kakukureiai iai. Ma I kaawakinai, i bukina ngke Ko a tia ni kaonai n unim.

Nakoaia Ibonga 19:17

Tai tab'ara ni karaoa te kaetieti ae bon riai. E ngae n anne, ao e bure ngkana e aki kaetaki te aomata ane e bon tangira kaetana.

Mataio 18:15

Ngkana e bure tarim nako im, ao ko na nako ni kaota ana bure nako ina n te tai ae ti ngkoe iai ma ngaia. Ngkana e ongo i roum, ao kam a manga okiri aromi n tari.

Ruka 3:19

Ao Erote are te tia tautaeka, are e a tia n takuaki iroun Ioane i bukin Nei Eroria are buun tarina ngke e a manga iein ma ngaia ao i bukin ana m'akuri ni kabane ake a buakaka ake e a tia ni karaoi.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

I-Rom 13:12

E a kani bane te bong, ao e a kaan te ngaina. Ma ngaia ae ti na katikui m'akuri nako aika b'ain te roo, ao ti na anai b'aai ni buaka aika b'ain te oota.

I-Rom 16:17

I butingkami, taari, b'a kam na tarataraia te koraki akana eekaanako te reirei are kam reireiaki iai, b'a a karika te i raraaure iai irouia aomata; ao baika a karaoi a riki b'a b'aai ni kab'akab'aka. Kam na kararoaingkami mai rouia!

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

I-Karatia 6:8

B'a ane ira nanon rab'atana ao e na anaa mwina ae te mate man te rab'ata; ao ane ira nanon te Tamnei are Raoiroi, ao e na anaa mwina ae te maiu are aki toki mairoun te Tamnei are Raoiroi.

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

I-Ebeto 5:12

b'a e kamamaa b'a a na taekinaki baika a karabai ni karaoi aomata.

I-Ebeto 5:7

Ma ngaia ae kam na tai reitaki ma ngaiia.

I-Korote 1:12

ao b'a kam na katituaraoa te Tama, are karaoingkami b'a kam na tau ni karekea tib'angami n te baere E a tia ni kawakinna te Atua b'a aia b'ai ana aomata aika itiaki ake n te oota.

1.I-Tetaronike 5:7

B'a a matu aomata n te bong, ao a manging n te bong naba.

2.I-Tetaronike 3:14

ao ngkana e aki ongeaba temanna nakon ara taeka n te reta aei, ao kam na kanikinaea, b'a kam na aki i raorao ma ngaia, b'a e aonga ni mamaa.

2.I-Tetaronike 3:6

Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.

1.Timoteo 5:20

Ko na boaiia akana bure i mataia aomata ni kabaneia, b'a a aonga ni maaku naba raoia.

1.Timoteo 5:22

Ko na tai kukuri ni katokaa baim i aon temanna ni katabua nakon nakoana i bukin te Uea. Ko na tai buokanib'ai n aia bure tabem'aang; ko na b'aina te maiu ae itiaki.

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

2.Timoteo 3:5

aongkoa taan taua te Aro, ma a oti ni maiuia b'a akea nanon tauan te Aro i rouia. Ko na tan nako mani baikai.

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.

Tito 2:15

Ko na taekini baikai, ao ko na kaungaia ma ni boaiia am aomata ni m'aakan nakoam. E na tai kakeaa bongam temanna.

Te Kaotioti 18:4

Ao I ongo te b'ana teuana mai karawa b'a e kaangai, “Au aomata, kam na oti nako mai rouna! Kam na aki buokanib'ai ma ngaia n ana bure; ao kam na aki buokanib'ai naba ma ngaia ni katuaeana!