I-Ebeto 4:9 - Te B'aib'ara

⁹ Ao tera nanon ae E rierake? Iai nanona ti ngkana E a tia n ruo moa nakon taabo i nano i aan te aba.

I-Ebeto 4:9 ပူးပေါင်းရင်းမြစ်များ

Karikani B'aai 11:5

Ma ngke E ruorikaaki te UEA n noora aia kaawa ae buubura are a tia ni karaoia ma tauana,

Taian Areru 139:15

Ngke a moa n riki riu, ngke a karauaki n tomatomaaki raoi i nanoni biroton tinau, ngke I tabe n rikirake ikekei n te tabo ae raba, Ao Ko bon ataia ae I mena ikekei;

Taian Areru 63:9

A na mate akana kataia ni kani kamateai; Ane a na roko i aantano n aia tabo maate.

Taian Areru 8:5

Ko kamangoria riki nakoim; ao Ko bauniia n te mimitong ma te karineaki.

Te Otinako 19:20

Ao E ruona taubukin te maunga te UEA, ao E wetea Moote b'a e na tam'arake nako taubukin te maunga. Ao e tam'arake Moote

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Etekiera 31:14

Bon akea riki te aroka tekaina ae na manga rikirake n rietaata n aron te aroka aei, e ngae ngke e korakora te ran n reke i rouna. A na bane ni mate aroka nako, n aroia naba aomata ngkai a mamate ma n ruorikaaki nakon aia aonnaba maate.

Mataio 12:40

B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.

Ioane 20:17

E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

Ioane 3:13

Akea te aomata ae rierake nako karawa, ma bon ti Teuae ruo mai karawa, ae Natin te Aomata.”

Ioane 6:33

B'a te am'arake ae E anga te Atua boni Ngaia ae ruo mai karawa, ao E anga te maiu nako aonnaba.”

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Ioane 6:41

A ngureakinna ngkanne I-Iutaia i bukina ngke E kaangai, “Ngai te am'arake are ruo mai karawa.”

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

Ioane 6:58

Aei te am'arake are ruo mai karawa; tiaki aron te am'arake are a kanna ami bakatibu, ao a mate i mwina. Te aomata ane kana te am'arake aei, ao e na maiu n aki toki.”

Ioane 6:62

Iangoia b'a kaanga tera ae na riki ngkana arona b'a kam nora Natin te Aomata b'a E rierake nakon te tabo are E mena iai ngkoa?

Ioane 8:14

E kaekaia Iesu ao E taku, “Ao ngkana I kaotiota arou i bon irou, ao bon iai naba koauan au taeka: b'a I ata ike I nako mai iai, ao I ata ike N na nako iai; ma ngkami kam aki ata ike I nako mai iai, ao ike N na nako iai.

Ebera 2:7

Ko karinanoa riki nakoia anera i nanon te tai ae aki maan; Ko baunna b'a kanga te uea n te neboaki ma te karineaki.

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.