I-Ebeto 4:31 - Te B'aib'ara

³¹ Kam na kaaki aromi ni maraki n nano, ma n unun, ma n riribai, ma n tatakarua ni b'aana n un, ma n taetae n iowawa, ma aromi ni kabane aika buakaka.

I-Ebeto 4:31 ပူးပေါင်းရင်းမြစ်များ

Karikani B'aai 27:41

Ao e rangi n riba Iakob'a i bukina ngke e a tia n anganaki te kakab'aia iroun tamana. Ao e taku i nanona, “E a bon kan roko te tai are tanginiwenea iai tamau, ao ngkana e a mate, ao I a tiringa naba Iakob'a.”

Karikani B'aai 37:21

Ao e ongo Reuben, ao e kataia ni kamaiua Ioteb'a, ao e taku,

Karikani B'aai 37:4

Ao ngke a nooria tarina akekei b'a e tangira riki Ioteb'a tamaia, ao a rangi ni riiribaa tariia n te aro are aki tataetae raoi nako ina.

Karikani B'aai 4:8

Ao e taku Kain nakon tarina are Abera, “Ti a nako nakon te tawaana.” Ao ngke a roko i nanon te tawaana, ao e eweka tarina Kain n tiringnga.”

2.Tamuera 13:22

Ao e bon karaoa naba ae e raoiroi Abetarom nakon Amnon kaanga akea te b'ai ae e riki, ma e bon rangi n ribaa Amnon n te b'ai are e karaoia nakon m'anena are Nei Tam'aa.

2.Tamuera 19:27

e karaoa taekau nakoim n te aro ni kewe, ma ko bon wanawana kaanga aneran te Atua, ma ngaia ae ko na karaoa te b'ai ane ko bon taku b'a e raoiroi.

2.Tamuera 19:43

Ao a taku ake mai Iteraera, “Bon ara b'ai te uea ae Tawita tebwiina okiokin b'ainakina iroumi. E aera ngke kam aki kainanoa buokami mairoura? Ao bon ngaira ae ti moan iangoa kaokan Tawita!” A buakaka riki aia taeka kaain Iuta nakoia Iteraera.

Taian Areru 101:5

N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Taian Areru 140:11

Kakionakoia taani kewe aikai! Ke a kam'aneaki ni kab'akaaki n taiani kaangaanga.

Taian Areru 15:3

ao aki wiwinanti; a katitebooi aroia aomata nako man aki taetae n aki akaaka.

Taian Areru 37:8

Tai bono n nano ke n un; B'a e kona ni kairiko nakon karaoan ae buakaka.

Taian Areru 50:20

Ko tauraoi n tataetae ni bukiniia am utu b'a a bure, Ao ni kabuakakaia.

Taian Areru 64:3

A riki aia taeka b'a kanga kabaang aika a kakangii raoi; Ao a bakarere nako aia taeka ni kamaraki nano b'a kanga ai aroni kanoani kainikatebe.

Taeka n Rabakau 10:12

E karikirakea te kiriwe te riribai; ao e aki noora te kaairua ae a karaoia tabem'aang te tangira.

Taeka n Rabakau 10:18

Kam konaa ni karabaa nanomi ni kairiribai ngkana kam taekina te kewe, ma bon te nanobaba ngkami ngkana kam touakina te kewe.

Taeka n Rabakau 14:17

A rangi ni kakai un aomata aika nanobaba, ao bon akea ae e na tangiriko ngkana akea onimakinam.

Taeka n Rabakau 18:8

Bon akea riki ae e kangkang ae ai aron katoongan te winanti! E mauna nako i nanon wiim.

Taeka n Rabakau 19:12

E bekorara kaanga te raian te uea ane e unun, ma e riki b'a kaanga te aoi i aon taian uteute, te uea ngkana e kukurei.

Taeka n Rabakau 25:23

Ngkai e bon waaki te karau mai meang, ao ai aron naba taeka aika a buakaka b'a a nako man te maraki n nano.

Taeka n Rabakau 26:20

Ngkana akea te b'a ao e mate te ai; Ngkana akea te b'ab'arantiko ao e na toki te ngurengure.

Taeka n Rabakau 29:22

E na karikirakea te ngurengure ao ni kariki buure aika a bati te aomata ae e nanorieta.

Taeka n Rabakau 29:9

Ko riai ni wanawana n aki katea te nanobaba i bukin te b'ai teuana. E na bon aki konaa n reke raun nanom, i bukina b'a te b'ai ae a na ti karaoia nanobaba a na tii kakanikoko ma n takaarua.

Taeka n Rabakau 6:19

aomata aika a b'anga ni kewe n te kabowi ke a kaakariki taian kiriwe n te utu.

Te Minita 7:9

A kakai un aomata aika a nanobaba ao a teimatoa buakakan nanoia.

Ieremia 6:28

Ao ane ko na kuneia b'a ti te bo matoaia ma kaanga te buraonti ao te biti. Bon taani kakaitaraai aika a taningamatoa ngaiia, ao a aki toki n tataekin taiani kewe.

Ieremia 9:4

Ieremia, a bane raraom ma am koraki n taekina te kewe i bukim, ma ngaia ae ko na aki onimakiniia.

M'akuri 21:30

A bane ni kiriwe kaain te kaawa, ao a biri ni botaki aomata ao a taua B'auro ni katikia nako mai nanon te Tembora; ao a bonotaki naba ngkekei mataroa.

I-Rom 3:14

A oni wiia n taeka ni karereanti.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

1.I-Korinto 5:8

Ma ngaia ae ti na botaki ni kukurei n te Toa are te Riao, ma ti na aki kabongana te kariki are iai te iiti nikawai iai, are te bure ma te buakaka; ma ti na kabongana te kariki are akea te iti iai, are karikin te itiaki ma te koaua.

2.I-Korinto 12:20

B'a I maaku, b'a I kawa n roko ao I noringkami b'a tiaki aron ae I tangiria, ao ngkami kam norai b'a tiaki naba aron ae kam tangiria; b'a a kawa n noraki i roumi taiani kauntaeka, ma te bakantang, ma un, ma unra i marenaia ami botaki nako, ma taeka ni kamaraki nano ma winanti, ma aaro ni kainikatonga, ma mwebuaka.

I-Karatia 5:20

te taromauri bouananti, te tabunea, taian riribai, te kauntaeka, te tauaninne, taian un, taian unra i marenaia ami botaki nako, taian i raraaure, taiani kakaokoro n iango,

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

I-Ebeto 4:25

Ma ngaia ae kam na kaaki te kewekewe, ao kam na atoatonga te koaua n tatabemaningkami nako nakoia raomi n onimaki, ngkai b'ain rab'atani Kristo ngaira n tatabemaniira nako.

I-Ebeto 4:26

Kam kona n un iroun temanna, ma a na aki riki unimi b'a kairami nakon te bure; e na aki bungi taai i aon unimi.

I-Korote 3:19

Mm'aanenum'a, kam na tangiriia buumi, ao kam na tai unun nako ia.

I-Korote 3:8

Ma ngkai, kam na aki manga karaoi baikai: te un, te nanobuaka, te karekekai, te taetaebuaka, ao te taetae ae aki riai mai wiimi.

1.Timoteo 3:11

Ao ai aroia naba aine aika taani buobuoki a na aki b'aina te bakanrerei, a na tai winanti, a na tau baangiia, a na kakaonimaki nakoni b'aai ni kabane.

1.Timoteo 3:3

e na aki riki b'a te tia manging, ke te tia oro; ma e na taotaona nanona n aki un, ao e na tai baki tianti.

1.Timoteo 5:13

I rarikin anne, ao a reireiia naba te aro ni kabane tai n aroia ni kawara te auti teuana ma teuana; ao a aki tii kabane tai n aroia anne, ma a bon riki naba b'a taan ua-taeka, ao taani katabetabea te aba, n aroia n tataekini baika aki riai n taekin.

2.Timoteo 2:23

Ma ko na tai mutiakin taian titiraki ni baba aika aki kawanawana te aba, ngkai ko atai b'a a kariki kauntaeka.

2.Timoteo 3:3

taani babakaine, taani kainamatoa, taani winanti, taan akiako, taan tiritiri, taan ribaa te raoiroi,

Tito 1:7

B'a te mataniwi n te ekaretia, ngkai ana touati te Atua ngaia, ao e riai n akea kabuakakaana. E na tai b'ab'aotiniia aomata, e na tai kakai un, e na tai mamanging, e na tai kakai oro, ao e na tai kani b'aib'ai n te aro ae aki riai;

Tito 2:3

Ao ai aroia naba unaine, ko na taetae n reireiia b'a a na b'aina te maiu ae iai karinean te Atua iai; a na tai winanti, a na tai toronaki n te kamanging; ma a na riki b'a taan reirei baika raraoi:

Iakobo 1:19

Tariu aika kam tangiraki, kam na ata aei: a riai aomata nako n aki tab'ara n ongora, a na aki waekoa ni kan taetae, ao a na aki kakai un;

Iakobo 3:14

Ma ngkana iai i nanomi te bakantang ae bati ma te iangoingkami i bon iroumi, ao kam na tai kamoamoaingkami n eekaanako te koaua ma ni kakewea.

Iakobo 4:11

Taari, kam na tai kabuakaka. Ane kabuakaka tarina, ke ane motika taekan tarina, ao e kabuakaka te Tua, ke e motika taekan te Tua; ngkana ko motika taekan te Tua, ao tiaki te tia toua mwin te Tua ngkoe, ma bon te tia motiki-taeka iai ngkoe.

1.Betero 2:1

Ma ngaia ae kam na kaaki taian nano n riribai, ma te uarao, ma te baka n raoiroi, ma taiani bakantang, ma taeka ni kamaraki nano ni kabane,

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.

1.Ioane 3:15

Ane riba tarina ao ai aron te tia tiri aomata; ao kam ataia b'a bon akea te tia tiri aomata ae reke i rouna te maiu are aki toki.

Te Kaotioti 12:10

Ao I ongo te b'anaa ae korakora i karawa, b'a e kaangai, “E a roko ngkai ana kamaiu Atuara, ma m'aakana ma ueana, ma m'aakan ana Kristo: b'a e a tia n teweaki nako te tia bukiniia tarira, ni kabuakakaia i matan Atuara ni ngaina ao ni bong.