I-Ebeto 4:29 - Te B'aib'ara

²⁹ E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

I-Ebeto 4:29 ပူးပေါင်းရင်းမြစ်များ

Taian Areru 45:2

Te kabanea ni botonim'aane ngkoe; Te tia taetae ngkoe ae ko wikateke. E aki toki ni kakab'aiako te Atua.

Taian Areru 5:9

A aki onimakinaki baike a taekin au kairiribai; a tangira ti te urub'ai. A wiikoa ni wiiraraoi, ma a onrake nanoia n te kam'aam'ane.

Taian Areru 52:2

Ko karioi iango aika a na uru aroia tem'angina; Ai aron te m'ariro ae kakang newem; Ko aki toki ni karioi taeka ni kewe.

Taian Areru 71:24

N na tataekin n taai nako taekani baika raraoi ake Ko a tia ni karaoi, i bukina b'a a tia ni konaaki ma ni kab'ainrangaki aomata ake a kataia ni kani kam'aruaai.

Taeka n Rabakau 12:13

Ti boni kam'aneira i bon iroura ngkana ti taekina te kewe, ma ngkana ti maeka ma te raoiroi ao ti bon kararoaira iai ma te kiriwe.

Taeka n Rabakau 15:23

E boni kakukureia aomata nako te anga te taeka n te tai ae e riai.

Taeka n Rabakau 15:7

A karekea te iango raoi taeka ni wanawana; bon akea nanon te b'ai ae a iangoia aomata aika a nanobaba.

Taeka n Rabakau 16:21

Te motikitaeka ae e eti e kakoauaa b'a kam wanawana, ao ngkana kam taetae n akoi, ao kam konaa n reireiia tem'angina.

Te Minita 10:12

A na reke raraom, ngkana ko taetae ni iango raoi; ao ngkana ko taetae n nanobaba ao ko bon tiringko iai i bon iroum.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Ruka 4:22

A bane aomata ni kaoti kukurein nanoia i Rouna n aia taeka, ao a mimi n taeka aika nako mai wiina b'a a kamaiu nano; ao a taku, “Tiaki natin Ioteb'a Teuaei?”

Ioane 1:37

Ngke a ongo ana taeka aei ana reirei, ao a nako n ira Iesu.

I-Rom 14:19

Ma ngaia ae ti na uaiakin rekeni b'aai aika a na karekea te rau, ao baika na buoka kateimatoan temanna ma temanna n ana onimaki.

I-Rom 15:2

Ti na bane n tatabemaniira nako ni kakukureia raora ni baika na bongana i bukiia, b'a a aonga ni buokaki aia onimaki ni kakorakoraki.

1.I-Korinto 14:19

Ma n te botaki n ekaretia ao I tangiria riki b'a N na atongi nimaua te taeka aika aki kamangaongao, b'a I aonga n reireia naba te koraki ae bati, nakon atongan tebwina tengaa te taeka n te taetae ae aki ataaki.

I-Ebeto 4:12

E karaoa aei i bukini kabobongaia ake a itiaki nakoni karaoan nakoaia, are kateimatoan rab'atani Kristo;

I-Ebeto 4:16

Ao boni mai Rouna are a bane iai b'ain nako te rab'ata n nim raoi, ma n tauaki b'a te rab'ata ae b'anin n taian toma n ri n ai aroni baireaia. Ma ngaia ae ngkana a bane b'ain nako te rab'ata ni karaoi aia m'akuri n tatabeua nako n ai aroni baireaia, ao e na rikirake te rab'ata ma ni kateimatoaki n te tangira.

I-Korote 4:6

A na tangiraoi ami taeka n taai nako, ma ni kakan ongora; ao kam riai n ata te kaeka ae riai nakon temanna ma temanna.

1.I-Tetaronike 5:11

Ma ngaia ae kam na i karau nanomi, ao kam na i kateimatoaingkami, n ai aron ae kam kakaraoia.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 3:1

Ao i bukimi ainenum'a: kam na aan-taeka irouia oini buumi; b'a e aonga n are ngkana a aki ira nanon ana taeka te Atua mm'aanenum'a, ao a na anaaki nanoia n aroaroia buia. E na aki kainanoaki ami taeka,

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.