I-Ebeto 4:28 - Te B'aib'ara

²⁸ Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

I-Ebeto 4:28 ပူးပေါင်းရင်းမြစ်များ

Iobi 34:32

Ko a tia ni butiia te Atua b'a E na kaoti am kaairua nako Im? Ao ko a tia ni kariaia b'a ko na katoka te m'akuri ae buakaka?

Te Otinako 20:15

Ko na aki kimoa.

Te Otinako 20:17

Tai mataiakina ana auti te aomata temanna, ke n tataana buuna, ke ni mataiakina ana toro, ana tiibu, ana aati, ke ana b'ai ni kabane.”

Te Otinako 21:16

Tuaan te aomata ae e iraea te aomata. Ngkana arona b'a kam kaboa nako te aomata are kam kimoaia, ke ngkana kam kawiaaki ma ngaia, kam na bon anganaki naba te tuua are te tiringaki.

Taeka n Rabakau 13:11

E na waekoa ni bane teutana i mwiin teuana te m'ane ae e reke n tiaki angana; te m'ane ae e reke teutana i mwiin teutana e na bon rikirake man rikirake.

Taeka n Rabakau 14:23

E boongana te m'akuri m'aaka, ma a na karikiko b'a te aomata ae e maiu ni kainano te taetae ae e akea kanoana.

Taeka n Rabakau 21:26

Ma a tituaraoi n taai nako, aomata aika a ongotaeka iroun te Atua.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Taeka n Rabakau 30:9

Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

Taeka n Rabakau 31:20

ao e buokiia aika a maiu ni kainano ao aika a kai nanoia.

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Tekaria 5:3

Ao i mwiina, e tuangai ni kaangai: E karokoa te maraia te niira ni boki aei i aoia aomata nako aika i nanon te aba aika a kimoa ke aika a b'anga ni kewe. Ao te koroboki are ni iterana are te iterana, e koreaki iai taekan te urub'ai nakoia aika a kimoa, ao ni iterana are te iterana e koreaki iai taekan te urub'ai nakoia aika a b'anga ni kewe.

Ruka 19:8

Ao e tei Takaio, ao e taku nakon te Uea, “Noria, te Uea, N na anga nako iteran au b'ai nako nakoia akana aki kaub'ai; ao ngkana I a tia n anaa te b'ai teuana mairoun temanna n te aro ni babakanikawai, ao N na manga kaokia nako ina ni kaaua te tai m'aitina.

Ruka 3:8

Kam na kariki uaa aika a na kaotia b'a kam a tia n rairi nanomi, ao kam na aki taku i nanomi, ni kangai, Tamara Aberaam: b'a I taku nako imi, E kona te Atua ni karikiia natin Aberaam man atiibu aikai.

Ioane 12:6

E atonga aei, tiaki i bukina b'a e tabe i bukiia aika a aki kaub'ai; ma e atonga aei b'a te tia iraa ngaia, ao ngkai e mena i rouna nen te m'ane, ao e taneiai n ananaa are e taku mai iai i bon i bukina.

Ioane 13:29

Ma a taku n aia iango tabem'aang i buakoia ana reirei, b'a ngkae e mena iroun Iuta nen te m'ane, ao e a tuangaki iroun Iesu b'a e na kabo baike a kainanoi i bukin te Toa, ke e na angania akana aki kaub'ai te b'ai teuana.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

1.I-Korinto 4:12

ao akea motirawara ni m'akuri ma baira. Ngkana a taetae n iowawa aomata nako ira, ao ngaira ti taetae ni kakab'aiaia; ngkana ti b'ainikirinaki, ao ti taotaon nanora.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 8:2

b'a e boni ngae ngke a kataaki n te rawawata ae bati, ao a aki kaub'ai, ma i bukin nanoia ae onrake n te kim'areirei, ao a anga ae bati ma te tituaraoi.

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.

1.Timoteo 6:18

A na kakaraoa ae e raoiroi, a na kabati m'akuri aika riai, a na maiu n tituaraoi, ao a na tauraoi ni buokanib'ai n aia b'ai;

Tito 3:14

A reireiaki ara aomata b'a a na kakaraoi m'akuri aika raraoi, b'a a aonga ni buoki kainnano aika riai, ao n te aro aei a bongana iai aia tai.

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.