I-Ebeto 4:25 - Te B'aib'ara

²⁵ Ma ngaia ae kam na kaaki te kewekewe, ao kam na atoatonga te koaua n tatabemaningkami nako nakoia raomi n onimaki, ngkai b'ain rab'atani Kristo ngaira n tatabemaniira nako.

I-Ebeto 4:25 ပူးပေါင်းရင်းမြစ်များ

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

Taian Areru 119:29

Kawakinai mani b'ainan te maiu ni kewe, Ao nanoangaai n reireiai am Tua.

Taian Areru 15:2

Bon tii uake a ongeaba iroun te Atua ao ni kakaraoa ae raoiroi. A tataekina te koaua

Taian Areru 52:3

Ko tangira riki te buakaka nakon te raoiroi, Ao te kewe nakon te koaua.

Te Otinako 23:7

Kam na aki anga te tuua ae e kairua nakoia aomata nako ke n anga motikan te aomata ae akea ana bure b'a e na tiringaki. N na bon aki kab'araa ami bure ngkana kam karaoa aei.

Taeka n Rabakau 12:17

E taekina te koaua n te bowi te aomata ae e raoiroi, ma bon akea te b'ai ae e na taekinna te aomata ae e buakaka b'a ti te kewe n taai nako.

Taeka n Rabakau 12:19

Bon akea tokin te koaua, a na bon waekoa n ataaki taiani kewe.

Taeka n Rabakau 12:22

E ribaia taani kewe ni kabane te UEA ma bon raoraoia aomata ni kabane aika a onimakinaki.

Taeka n Rabakau 21:6

Bon te mii ae e nanobaba karekean te kaub'ai man te aonikai kaanga ai aron te bakabure.

Taeka n Rabakau 24:28

Ko na aki bukina temanna ae akea ana bure. Ko na bon aki tataekina te kewe

Taeka n Rabakau 6:17

Aomata aika a kainikatonga ke ni b'anga ni kewe ke n tiriaomata,

Taeka n Rabakau 8:7

I aki toki n tataekina te koaua ao I aki kan taekina te kewe.

Itaia 63:8

E kamaiuia ana Aomata te UEA, ao e taku, “Bon Au b'ai. A aki konaa ni kam'aneai.”

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Nakoaia Ibonga 19:11

Tai iraa, tai kewe, ao tai kam'aneia raomi.

Tekaria 8:16

Ma kam riai n b'ab'aina te koaua i marenami n tatabemaningkami nako, ao kam na anga te babaaire ae e eti n te kabowi are e na karekea te rau.

Tekaria 8:19

Kaain Iuta, I tangiria Ngai ae te UEA b'a ngkana kam aki mamatam are aron ami taromauri, ao kam na riai ni karaoia b'a te tai ni bootaki ni kukurei. E aoria ngkana te kaaua n nam'akaina, ke te kanimaua n nam'akaina, te kaitiua n nam'akaina ke te katebwina, ma kam na riai ni karaoa te toa ae e kakukurei. Ma ngaia are, kam na tangira te koaua ao maeka i nanon te rau.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

I-Rom 12:5

Ao ai arora naba: b'a e ngae ngke ti bati, ma te rab'ata ngaira ae ti teuana i nanoni Kristo, ao ti bane n reitaki temanna ma temanna n arora aika kakaokoro b'a b'ain te rab'ata ae ti teuana.

1.I-Korinto 10:17

Ngkai ti teuana te berena, ao ngaira aika ti bati, bon te rab'ata ae ti teuana: b'a ti bane ni buokanib'ai n te berena ae ti teuana.

2.I-Korinto 7:14

B'a ngke I kamoamoaingkami nakon Tito n te b'ai teuana, ao I aki mamaa; ma ngkai a koaua b'aai ni kabane ake ti taekin nako imi, ao ai aron naba ara taeka are ti kamoamoaingkami iai nakon Tito, b'a e ataaki b'a e boni koaua.

I-Ebeto 4:15

Ma ti na rikirake n aaro nako nakon arora n reitaki ae nako raoi ma Kristo, are atun te ekaretia; ao e na reke aei n tataekinan te koaua ao ni maiuakinan te tangira.

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

I-Ebeto 4:31

Kam na kaaki aromi ni maraki n nano, ma n unun, ma n riribai, ma n tatakarua ni b'aana n un, ma n taetae n iowawa, ma aromi ni kabane aika buakaka.

I-Ebeto 5:30

n aron ae ti ataia ngkai kaain te ekaretia ngaira.

I-Korote 3:8

Ma ngkai, kam na aki manga karaoi baikai: te un, te nanobuaka, te karekekai, te taetaebuaka, ao te taetae ae aki riai mai wiimi.

I-Korote 3:9

E na tai kewe temanna nakon temanna ngkai kam a tia ni kaki te aro ni maiu ngkoa ma kateina,

1.Timoteo 1:10

ao i bukiia taani wene ni bure ma nikiranroro, ma mm'aane aika karaoi m'akuri ni kammaira ma raoia ni mm'aane, ma taan iraeia aomata, ao i bukiia taani kewe ma taan tuea ni kewe, ao i bukini b'aai ni kabane, ngkana tao iai, aika eekaanako te reirei ni koaua,

1.Timoteo 4:2

aika nako mairouia taani kewe aika m'am'anaa te aba, aika mate mataniwin nanoia b'a kanga mwini kabuokaia n te biti ae kabuebue;

Tito 1:12

E taku raoia temanna, ae bon aia burabeti, “A aki toki ni b'aina te kewe I-Kirete, boni maan ni kaakang aika aki manana, ao te koraki ni buabeka aika aki m'am'akuri.”

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;

Iakobo 1:21

Ma ngaia ae kam na kaaki aromi aika kam'ara ma kateimi ni kabane aika bubuaka, ao kam na kaaki i nanomi ma te nimamannei te taeka are unikaki are kona te kamaiungkami.

1.Betero 2:1

Ma ngaia ae kam na kaaki taian nano n riribai, ma te uarao, ma te baka n raoiroi, ma taiani bakantang, ma taeka ni kamaraki nano ni kabane,

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

Tani Motiki-taeka 16:11

Ao e taku Tamton, “Ko na kamanenai taian roobu aika rangi ni boou. Ngkana ko kabaeai n taian roobu aika rangi ni boou, ao N na riki n aroia aomata aika ngore.”