I-Ebeto 4:19 - Te B'aib'ara

¹⁹ E a tia ni bua mai rouia namakinan te mamaa, ao a anga ngaiia nakon te maiu n tam'are b'a a na karaoa te aro ni kammaira ni kabane ma nanoia ae korakora nako iai.

I-Ebeto 4:19 ပူးပေါင်းရင်းမြစ်များ

Iobi 15:16

ao e nang kanga riki n onimakinaki te aomata ngkai bon te b'ai ae buakaka, ae akiako, ae e taka i bukin te buakaka.

Itaia 56:11

Bon te koraki ni kamea aika a baki ngkami taan kairiiri aika kam nanobaba aika aki konaa ni ngae nanomi. Bon taani kaawakintiibu ngkami aika kam kairiia ami tiibu nakon te maiu n aonikai.

Mareko 7:22

ao e na mataai ni kani b'aib'ai, ao e na karaoi nako baika buakaka; e na b'aina te kewe, ma te maiu ae aki kani kaetaki, ma te bakantang, ma te taekin taeka ake e na kabuakakaki iai te aomata, ma te kainikatonga; ao e na karaoi baika e na atongaki iai b'a e baba.

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

1.Timoteo 4:2

aika nako mairouia taani kewe aika m'am'anaa te aba, aika mate mataniwin nanoia b'a kanga mwini kabuokaia n te biti ae kabuebue;

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.

2.Betero 2:22

E a kaotaki n te baere riki nakoia b'a a koaua iai taeka n rabakau aika kaangai: “E a manga okira mumutana te kamea” ao “Te beeki ae e a tia n tebokaki, e a manga okira rabinobinona i nanon te bokaboka.”

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.