I-Ebeto 4:14 - Te B'aib'ara

¹⁴ b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

I-Ebeto 4:14 ပူးပေါင်းရင်းမြစ်များ

Taian Areru 10:9

Kanga ai aron te raian ae e baki ae e karabaa i buakon kaai, b'a e na karekeia konana akana kananoanga; E na kam'aneia n ana b'ai ni kam'ane, ao e na katikitikiia nako.

Taian Areru 59:3

Ao noriia, akana karabaia n tataninga b'a a na kam'aneai ni kamateai. Akana botiia aia koraki ni kakam'arua b'a a na kamateai. B'a akea te bure ke te kaairua ae I a tia ni karaoia,

Itaia 28:9

Ti te bo ngkami aika taani kairiiri aika kam manging ma ataei aika a uarereke! Kam na kangaa n ataa ana rongorongo te UEA ke n reireiia aomata Ana rongorongo?

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Mataio 11:7

Ngke a nako uakekei, ao E taetae Iesu nakoia aomata i bukin Ioane, ni kangai, “Tera are kam nako iai nakon te rereua b'a kam na noria? Te uteute ae m'aeiei n te ang?

Mataio 24:11

Ao ane a na teirake burabeti ni kewe aika bati, ao ane a na burebureia aomata aika bati.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

M'akuri 23:21

Ma ngaia ae ko na aki iri nanoia, b'a angaun tabun te aomata i buakoia te koraki arei akana tataninga ni karabaia b'a a na kam'arua B'auro. Aikai te koraki ake a tia ni kabaeaki n aia berita b'a a na aki am'arake ma ni moi ni karokoa ae a tia ni kamatea B'auro. A tauraoi ngkai ni kaantaninga te taeka mai roum.”

1.I-Korinto 12:2

Kam ataingkami b'a ngke beekan ngkami ngkoa, ao kam kairaki nakoni bouannanti aika aki kona n taetae.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

1.I-Korinto 3:19

B'a rabakaun aonnaba bon te nanobaba iroun te Atua. B'a e koreaki ae kangai: “E kam'aneia akana rabakau te Atua n aia iango n nanowanawana.”

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Ebeto 6:11

Kam na karini b'aini buaka nako ake mairoun te Atua aika b'aini kamanoan rab'atami, b'a kam aonga ni kona n tei ni kaitarai aron te riaboro ni wanawana aika bureburea te aba.

1.Timoteo 3:6

E riai n ikawai i nanon te onimaki, b'a e kaawa ni kaonaki nanona n te kainikatonga ao e motikaki taekana ni karawaawataaki, n aron te riaboro.

2.Timoteo 1:15

Ko ataiia ake a mena i Atia b'a a bane n nako ni kitanai; ao raoia naba Bukero ma Eremokene.

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

Iakobo 1:6

Ma e na bubuti ma te nano n onimaki, n aki nanokokoraki teutana; b'a ane nanokokoraki ai aron naoni marawa ae ukaki n te ang ao e kaueaki.

Iakobo 3:4

Ao taraia naba kaibuke: a ab'ab'aki ao a kabutaki n aang aika korakora, ma a kaetaki ni kawaia n te bwe ae moan te uarereke nakon te tabo are e kani borau nako iai te tia taubwe.

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.

1.Ioane 2:26

I koroi baikai nako imi i bukiia akana kataia ni m'am'anaingkami.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

Iuta 1:12

Te koraki arei a riki b'a kanga baareka n ami botaki n am'arake n i tangitangiri, ngkai a botaki n am'arake ma te aki aubaa, ao a ti tabeakiniia i bon i rouia; kanga naang aika akea te karau i nanoia, aika uouotaki nako n te ang; kanga kaai aika aki uaa n taini kaai n uaa; aika kaai aika kanga uoua aia tai ni mate ao a taekaki mani wakaaia;

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.