I-Ebeto 4:12 - Te B'aib'ara

¹² E karaoa aei i bukini kabobongaia ake a itiaki nakoni karaoan nakoaia, are kateimatoan rab'atani Kristo;

I-Ebeto 4:12 ပူးပေါင်းရင်းမြစ်များ

Ruka 22:32

Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

M'akuri 1:17

B'a e warekaki Iuta i buakora, ao e reke tib'angana n te nakoa aei.”

M'akuri 1:25

b'a e na bonota mwin Iuta n te m'akuri aei ao n nakoan te tia tuatua, are e kitanna, n nako n are boni nena.”

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Rom 12:5

Ao ai arora naba: b'a e ngae ngke ti bati, ma te rab'ata ngaira ae ti teuana i nanoni Kristo, ao ti bane n reitaki temanna ma temanna n arora aika kakaokoro b'a b'ain te rab'ata ae ti teuana.

I-Rom 12:7

Ngkana te kona ni buobuoki, ao ti na i buobuoki; ao ngkana te kona n reirei ao ti na reirei.

I-Rom 14:19

Ma ngaia ae ti na uaiakin rekeni b'aai aika a na karekea te rau, ao baika na buoka kateimatoan temanna ma temanna n ana onimaki.

I-Rom 15:14

Tariu, I aki nanokokoraki iroumi b'a a rangi n raoiroi aromi, ao kam rangi n atai baika kam riai ni karaoi, ao kam kona n i reirei iroumi.

I-Rom 15:2

Ti na bane n tatabemaniira nako ni kakukureia raora ni baika na bongana i bukiia, b'a a aonga ni buokaki aia onimaki ni kakorakoraki.

I-Rom 15:29

Ao I ataia b'a ngkana I roko iroumi, ao N na roko ma te kab'aia ae moan te bati mairouni Kristo.

1.I-Korinto 12:27

Rab'atani Kristo ngkami, ao b'ain rab'atana ngkami n tatabemaningkami.

1.I-Korinto 12:7

Ao a anganaki aomata nako te bae E karaoia te Tamnei are Raoiroi b'a e na noraki b'a e bongana.

1.I-Korinto 14:12

Ao ai aromi naba, ngkai kam rangi n tangiri b'aai n tituaraoi ake mairoun te Tamnei, ao kam na ukoukori b'a a na m'aiti i roumi i bukini kateimatoan te ekaretia.

1.I-Korinto 14:14

B'a ngkana I tataro n te taetae ae aki ataaki, ao e tataro tamneiu, ma e aki bongana nanou.

1.I-Korinto 14:26

Ao tera ngkanne, taari? Ngkana kam botaki, ao temanna e anene, ao temanna e reirei, ao temanna e taekina te kaotioti are roko i rouna, ao temanna e taetae n te taetae ae aki ataaki, ao temanna e kab'ara nanon te taetae ae aki ataaki; a na bane ni karaoaki baikai i bukini kateimatoaia akana onimaki.

2.I-Korinto 12:19

Kam a tia ni kaman iangoia i nanomi b'a ti karekei aonara nako imi. Ti taetae i matan te Atua i nanoni Kristo, b'a a karaoaki b'aai ni kabane i bukini kateimatoami, raou aika kam tangiraki.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

2.I-Korinto 13:9

B'a ti kukurei ngkana ti mamara, ao ngkami kam korakora; ao bon ara tataro naba aei i bukimi b'a kam na nako raoi n aromi.

2.I-Korinto 3:8

ao tiaki e na kabatiaki riki mimitongin ana m'akuri te Tamnei?

2.I-Korinto 4:1

Ma ngaia aei, ngkae e reke i roura te m'akuri aei n ana nanoanga te Atua, ao a aki b'ara nanora;

2.I-Korinto 5:18

Baikai ni kabane boni mairoun te Atua, are raoiakinira nako Ina irouni Kristo, ao E anganira te nakoa n raoi.

2.I-Korinto 6:3

Ti aki kani karika te aro ni kab'akab'aka nakon temanna, b'a e kawa ni kabuakakaki ara m'akuri i bukin te euangkerio.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Ebeto 1:23

ao te ekaretia bon rab'atani Kristo, ao onrakeni Kristo bon kakororaoan aron b'aai ni kabane n taabo nako,

I-Ebeto 4:16

Ao boni mai Rouna are a bane iai b'ain nako te rab'ata n nim raoi, ma n tauaki b'a te rab'ata ae b'anin n taian toma n ri n ai aroni baireaia. Ma ngaia ae ngkana a bane b'ain nako te rab'ata ni karaoi aia m'akuri n tatabeua nako n ai aroni baireaia, ao e na rikirake te rab'ata ma ni kateimatoaki n te tangira.

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

I-Ebeto 4:4

Ti teuana te rab'ata, ao ti temanna te Tamnei are Raoiroi, n ai aron naba weteami b'a kam weteaki nakon te kaantaninga ae ti teuana.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

I-Korote 1:28

Boni ngaia are ti tataekinna, n tuatuangia aomata ni kabaneia ma n reireiia n te rabakau ni kabane, b'a ti aonga ni kaotiia aomata ni kabaneia b'a a ikawai ni maiuia n reitaki ma Kristo;

I-Korote 4:17

Ao kam na kangai nakon Arekibo, “Ko na tarataraa am m'akuri are ko anganaki i bukin te UEA, b'a ko na katia karaoana.”

1.Timoteo 1:12

I katituaraoa Teuare kakorakoraai, are Kristo Iesu are ara Uea, b'a E atongai b'a I kakaonimaki, ngkae E rineai b'a te tia m'akuri i bukina.

2.Timoteo 4:11

Ai ti Ruka ae mena i rou ngkai. Ko na wetea Mareko, ao kairiia mai b'a raom: b'a e manena i bukini buokau n te m'akuri.

2.Timoteo 4:5

Ma ngkoe, ko na kamarurungko b'a e na aki bua am iango i aoni b'aai ni kabane; ko na taona nanom nakoni marakim, ko na karaoa ana m'akuri te tia taekina te euangkerio, ao ko na karaoi ni kabane kanoan nakoam.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

Ebera 6:1

Ma ngaia ae ti na aki toki ni baike ti moa n reireiaki iai n taekan Kristo, ma ti na waki rake nakon reirei n ikawai; ao ti na tai manga titiku n taekani baika kam moa n reireiaki iai, ake taekan te rairan nano mani m'akuri aika akea uaaia, ao taekan onimakinan te Atua,