I-Ebeto 3:7 - Te B'aib'ara

⁷ are I riki b'a te tia m'akuri ngkai iai, n ai aron te b'ai n tituaraoi are ana akoi te Atua, are I anganaki ni m'am'akurini m'aakana.

I-Ebeto 3:7 ပူးပေါင်းရင်းမြစ်များ

Itaia 43:13

Bon te Atua Ngai ngkai ao n aki toki. Bon akea ae e konaa n rawei ngkami mai irou. ke n te tei i m'aain kawaiu.

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Rom 1:5

Boni Ngaia are ti anganaki mai Rouna te kona n riki b'a taan tuatua i bukin arana, b'a a aonga n onimaki ma n ongeaba botannaomata ni kabaneia.

I-Rom 12:3

I bukin te akoaki are I anganaki, ao aei au taeka nakoimi n tatabemaningkami nako: e na tai iango temanna i nanona ni kamoamoa i bon i rouna i aon ae riai; ma e na b'aina te iango raoi, ao e na kaetieta arona ma aron te onimaki are E a tia te Atua n tib'aia nakoia aomata nako.

I-Rom 15:16

b'a ana tia m'akuri Iesu Kristo ngai i bukiia aomata aika tiaki I-Iutaia. I m'akuri b'a ai aron te ibonga ngai n tataekina ana euangkerio te Atua, b'a a aonga n riki aomata aika tiaki I-Iutaia b'a ai aroni karea aika E na kukurei te Atua i rouia, aika a tia ni katabuaki i bukina iroun te Tamnei are Raoiroi.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

1.I-Korinto 3:5

B'a tera aron Aboro? Ao tera aroni B'auro? Bon taan i buobuoki ngaira, aika kam riki n onimaki i roura; ao ti karaoa ara m'akuri ni kaeti ma tib'angara are E anganira te UEA.

2.I-Korinto 3:6

are karaoira b'a taani beku aika iai aia kona i bukin te boraraoi ae boou, are kanoana tiaki te b'ai ae koreaki, ma te Tamnei; b'a e tiritiri te b'ai ae koreaki, ma E kakamaiu te Tamnei.

2.I-Korinto 4:1

Ma ngaia aei, ngkae e reke i roura te m'akuri aei n ana nanoanga te Atua, ao a aki b'ara nanora;

I-Karatia 2:8

B'a Teuare m'am'akuri i nanoni Betero i bukin te nakoa n tuatua nakoia aomata ake a korotabonim'aneaki E m'am'akuri naba i nanou nakoia aomata aika tiaki I-Iutaia;

I-Ebeto 1:19

ao tera aroni m'aakana ae raka korakorana, nako ira ngaira aika ti onimaki. Te m'aaka aei bon ti te bo ma korakorani m'aakana,

I-Ebeto 3:2

tao kam a bon tia n ongo b'a E a tia te Atua n ana akoi n anganai te nakoa aei i bukimi;

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

I-Ebeto 4:16

Ao boni mai Rouna are a bane iai b'ain nako te rab'ata n nim raoi, ma n tauaki b'a te rab'ata ae b'anin n taian toma n ri n ai aroni baireaia. Ma ngaia ae ngkana a bane b'ain nako te rab'ata ni karaoi aia m'akuri n tatabeua nako n ai aroni baireaia, ao e na rikirake te rab'ata ma ni kateimatoaki n te tangira.

I-Korote 1:29

ao anne bukin ae I kekeiaki m'aaka naba ni m'akuri, ao I kamanena te korakora ae bati are E anganai Kristo, ao ae e m'am'akuri i nanou.

1.I-Tetaronike 2:13

Ao aei naba bukin te bae ti aki toki ni katituaraoa iai te Atua: b'a ngke kam butim'aea ana taeka te Atua mai roura, ao kam kaki i nanomi b'a tiaki aia taeka aomata, ma n etina ni koaua, bon ana taeka te Atua ane m'am'akuri i nanomi ngkami akana kam onimaki.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.