I-Ebeto 3:20 - Te B'aib'ara

²⁰ Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

I-Ebeto 3:20 ပူးပေါင်းရင်းမြစ်များ

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 18:4

Taningaai b'a N na anaa te ran teutana i bukin tebokan waemi; kam kona ni katoki kuami moa i aan te aroka aei.

2.Tamuera 7:19

ma e ngae n anne, Ko a tia ni berita b'a ko na karaoa riki ae e m'aiti. Bon aei arom ae e ko kaakaraoia nakoia am aomata?

1.Uea 3:13

N na anganiko naba te b'ai ae ko aki buubutii. Ko na riki b'a te kaub'ai ao ko na karineaki ni kabane am bong ni maiu. Ao ko na kakannato riki nakoia uea tabem'aang.

2.Rongorongo 25:9

Ao e kaeka Amatia ni kaangai, “Ao tera ae n nang karaoia n taian tirewa ake I kabooia iai kaain te taanga ni buaka aei?” Ao e taku te burabeti, “Ane e na kaoka ae e m'aiti riki te UEA nakon ane ko a tia ni kabanea ni kabooia iai tautia.”

2.Rongorongo 9:12

Ao i mwiina, e a okinako neirei ma ana mataniwi nako abaia. A uoti taiani koora, kaai aika tuniba, ao taiani atiibu aika a tamaroa ana kaimoa Iram ma Toromon nakon te uea are Toromon man te aba are Obira. E kabonganai taiani kai Toromon i bukin karaoan taiani kaintam'arake i bukin te Tembora ma te bareti, ao taian aabi ao b'aai riki ni katangitang ake tabeua ake taiani karai i bukiia taani katangitang. A bon tuai kaakaraoaki b'aai aikai mai m'aaina i aon Iuta.

Te Otinako 34:6

Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Ana Anene Toromon 5:1

Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Ieremia 32:27

Ieremia, Bon te UEA Ngai ae te Atua, ao I bon konaa ni karaoi b'aai ni kabane!

Taniera 3:17

Ngkana arona b'a E konaa te Atua ae ti m'akuri i bukina ni kamaiura man te ai ae e ura m'aaka ao man m'aakam, ao E na boni konaa ni kamaiura.

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Ioane 10:10

Bukin rokon te tia iraa bon ti te iraa, te kamaamate ao te urub'ai; ma I roko b'a e aonga n reke i rouia te maiu ae koro raoi arona.

I-Rom 16:25

Ti na neboa te Atua! B'a E kona ni kateimatoaingkami n te euangkerio are I tataekinna, are rongorongon Iesu Kristo, ao ni kaotiotan te baere raba are karabaki ma ngkoa i nanon rooro ma rooro;

I-Rom 4:21

ma nanona ae koaua raoi b'a E na boni kakoroa bukin ana taeka n akoi te Atua.

1.I-Korinto 2:9

Ma e a tia taekana n ai aron are koreaki ni kangai: “Baike e tuai n nori te mata, ao e tuai n ongo te taninga, ao e tuai n reke n ana iango te aomata, boni ngaai baike E katauraoi te Atua i bukiia ake a tangiria!”

2.I-Korinto 9:8

Ao E kona te Atua ni kabati b'aai n akoi ni kabane nako imi, b'a e aonga n reke i roumi n tai nako te toronib'ai ni b'aai ni kabane, b'a kam aonga ni kabati m'akuri nako aika raraoi;

I-Ebeto 1:19

ao tera aroni m'aakana ae raka korakorana, nako ira ngaira aika ti onimaki. Te m'aaka aei bon ti te bo ma korakorani m'aakana,

I-Ebeto 3:7

are I riki b'a te tia m'akuri ngkai iai, n ai aron te b'ai n tituaraoi are ana akoi te Atua, are I anganaki ni m'am'akurini m'aakana.

I-Korote 1:29

ao anne bukin ae I kekeiaki m'aaka naba ni m'akuri, ao I kamanena te korakora ae bati are E anganai Kristo, ao ae e m'am'akuri i nanou.

1.Timoteo 1:14

Ma E rangi n akoi te Uea nako iu, ngke E anganai te onimaki ma te tangira ae ti b'ainna ngkai ti reitaki ma Ngaia.

Ebera 11:19

E kakoaua Aberaam i nanona b'a E kona te Atua ni manga kamaiua Itaaka man te mate, ao aei kanga ai aron taekani manga utin Itaaka man te mate.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

Iakobo 4:12

Ti temanna te tia karaoa te Tua, ao te tia motiki-taeka, ae e kona te kakamaiu ma te kamamate; ma antai ngkoe ngkai ko motika taekan raom?

2.Betero 1:11

N te aro aei, ao kam na anganaki ni kabatiaki te kona n rin n uean ara Uea ao ara Tia Kamaiu are Iesu Kristo, are ueana are aki toki.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,