I-Ebeto 3:18 - Te B'aib'ara

¹⁸ b'a e aonga n iai iroumi ma ake a itiaki ni kabaneia te kona n ata rababan, ma anaun, ma nanon, ma rietan ana tangira Kristo,

I-Ebeto 3:18 ပူးပေါင်းရင်းမြစ်များ

2.Rongorongo 6:41

Nakomai nakon mwengam ae e boou, ae ti a tia ni karina iai te Atiniberita, are boni kanikinaean korakoram. I tataro b'a ngkana a katanoataa m'aakam ibonga i bukin kamaiuaia aomata, ao ane a na kukurei aomata akana a kakaonimaki nakoim i bukin b'aai aika ko a tia ni karaoi i bukiia.

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 116:15

Ai rawaawata ra nanon te UEA ngkana e mate temanna irouia ana aomata.

Taian Areru 132:9

A na b'ab'aina te eti am ibonga n taai nako; a na anene n takaakaa ni kakatonga am botannaomata!

Taian Areru 139:6

E kamimii irou te ataib'ai aei; e ri aon au atatai.

Taian Areru 145:10

Te UEA, a na bane n neboiko am kariki-b'ai, ao a na bane am aomata ni katituaraoiko.

Itaia 55:9

A rietaata riki au iango ma arou nako nakoim kaanga taiani karawa ngkai a rietaata riki nakon te aonnaba.

Tekaria 14:5

Ao ane a na biri nako aomata man Ana maunga te UEA, ri nanon te m'arua aei, are e roota Atere. Ane ko na biri nako n taabo nako, n aroia aomata nako ngkana a oreaki n te m'aiei i nanon ana tai ni uea Utia i aon Iuta. Ao i mwiin anne, E na kaoti te UEA ae Atuau ma Ana anera aika a tabu.

Ioane 15:13

Akea te tangira ae korakora riki iroun te aomata nakon ae te anga maiuna i bukiia raona.

I-Rom 10:3

b'a a aki ata te aro are e na kaetaki iai aroia n reitaki ma te Atua, ao a kataia ni karaoa te aro are e na reke iai i rouia; ao aroia aei e a oti iai b'a a rawa n are E a tia te Atua ni karaoia i bukiia.

2.I-Korinto 13:13

A bane ni kamauringkami Kristian aikai.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.

I-Ebeto 1:15

Ma ngaia aei, ngke I ongo taekan aromi n onimakina te UEA are Iesu, ma taekan tangiraia ake a itiaki iroumi,

I-Ebeto 3:19

b'a e aonga naba n iai iroumi te kona n ata tangirami irouni Kristo, are e aki konaaki n ataaki raoi arona, b'a a aonga ni kaonaki maiumi n anuan te Atua ni kabane.

I-Korote 1:4

ngkai ti ongo taekan onimakinani Kristo Iesu i roumi, ma tangiraia ake a itiaki ni kabaneia i roumi,

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.