I-Ebeto 3:17 - Te B'aib'ara

¹⁷ b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

I-Ebeto 3:17 ပူးပေါင်းရင်းမြစ်များ

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Mataio 13:6

ma ngke e kabo rake taai, ao a urarake; a mate i bukina ngke a aki roro nako wakaaia.

Ruka 6:48

Ai aron te aomata are katea ana auti. E kena aontano ni kananoa, ao e kawenea iai aan ana auti i aon te b'a; ngke e roko te raanga, ao e neakina te auti arei te raanga, ma e aki kona ni kam'aeia, i bukina b'a e a tia ni katea raoi ana auti te aomata arei.

Ioane 14:17

Te Tia Buobuoki aei bon te Tamnei are Tabu i bukin te koaua; are e aki kona ni butim'aeaki iroun aonnaba, b'a e aki noria, ao e aki ataia. Kam ataia ngkami, b'a E maeka iroumi, ao E memena i nanomi.

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Ioane 6:56

Ane kana irikou, ma n nima raraau, ao e memena i nanou, ao Ngai i nanona.

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

1.I-Korinto 3:6

I uniki aroka ngai, ao e teboki Aboro; ma ana b'ai te Atua karikirakeani maiun te aroka.

1.I-Korinto 8:1

Ti na nori taekan am'arake ake karea nakoni bouannanti: ti ataia b'a “ti bane n atatai”, n ai aron aia taeka tem'angina. E karika te kainikatonga te atatai, ma te tangira e buokia aomata b'a a na teimatoa.

2.I-Korinto 13:5

Kam na kataingkami ao kakoauaingkami b'a kam bon onimaki ni koaua. Kam aki ataia b'a E mena Iesu Kristo i nanomi? ma E aki mena i nanomi ngkana kam a tia ni kataingkami ao kam kakoaua b'a kam aki onimaki ni koaua.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 2:7

A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

1.Ioane 4:16

Ao ti ata te tangira are E tangirira iai te Atua, ao ti kakoauaa. Te Atua bon te tangira; ao ane b'ab'aina te tangira, ao e nim ma te Atua, ao te Atua E nim ma ngaia.

1.Ioane 4:4

Ataei aika uarereke, boni mairoun te Atua ngkami, ao kam a tia ni katae aia kai burabeti ni kewe: b'a E m'aaka riki Teuare mena i nanomi nakon teuare mena i nanoia kaain aon te aba.

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.